Бүгін Қостанай ауданы "Алтын дән" мәдениет үйінде ХХХVI «Өнеріміз саған, Қазақстан!» атты облыстық көркемөнерпаздардың халық шығармашылығы байқау-фестиваліне даярлық аясында қос бірдей шеберлік сағаты өтті.
Мақсаты: шеберлікті шыңдау, өнерпаздарға қолдау білдіру.
Астана қаласынан арнайы келген Ә.Мәмбетов атындағы мемлекеттік драма және комедия театрының актрисасы, мәдениет саласының үздігі, педагогика және психология магистрі, «Шабыт» өнер университетінің оқытушысы Ажар Шәкіржанова «Сахна мәдениеті мен техникасы» тақырыбында бар білгенімен бөлісті. Ол мерекелік шаралардың жақсы өтуі жүргізушіге байланысты екенін ескеріп, сөйлеу техникасы жайында айтып, дауысты, дикцияны дұрыс қоюға арналған түрлі жаттығуларды көрсетті.
Ал Е.Өмірзақов атындағы облыстық филармониясының солисі, халықаралық байқаулардың лауреаты Талғат Молдағалиев арнау, жыр-терме, дәстүрлі ән орындаушыларына арналған «Ән сүйемелдеу әдістемелері» тақырыбында сөз қозғап, шеберлігімен бөлісті. Қос мейманның да берері мол болды.
Шеберлігін шыңдау үшін өңіріміздің барлық аудан, қалаларынан сахна жүргізушілері мен өнерпаздар арнайы келіп, қатысып, білгендерін толықтырды.
Шеберлік сағаттарын өткізген Талғат Молдағалиевпен Ажар Шәкіржановаға құрмет көрсетіліп, өткізгені үшін сертификат табысталды.
Кеш соңында барлық қатысушылар арнайы сертификат алды.
Шеберлік сағатын өткізуге қолдау білдірген Қостанай ауданы әкімшілігі мен Қостанай аудандық "Алтын дән" мәдениет үйінің әкімшілігімен ұжымына алғыс білдіреміз.
