Алғашқы шеберлік сағатын «Қостанай қаласы білім бөлімінің балалар шығармашылық мектебі» КММ қосымша білім беру мұгалімі, «Indigo» хореографиялық студиясының жетекшісі Константин Чеботарь "Көлемдегі спорттық және оңалту құралдарын қолдана отырып бейімделген дене шынықтыру" (жазықтабандылықтың, вальгустың дамуының алдын алу; дене сымбатын түзету, ептілік пен тепе-теңдікті дамыту) тақырыбын өткізді. «Қазақ биінің қимыл-қозғалыс лексикасы және көркемдік құралдары» тақырыбындағы шеберлік сағатын "Қостанай жоғары педагогикалық колледжінің" арнайы пәндер оқытушысы Дүкенова Ақбота жүргізді. Ол қазақ биінің пластикасы, қимыл динамикасы, қол, иық, дене қозғалысының ерекшеліктеріне кеңінен тоқталды. Сонымен қатар би композициясында ұлттық болмысты жеткізудің көркемдік құралдары сарапталды.
 

Заманауи бағыттағы «Хореографияда жасанды интеллект: би композициясын құру және сахналау» тақырыбындағы шеберлік сағатын "Қостанай жоғары педагогикалық колледжінің" хореография кафедрасының меңгерушісі Салтанат Доспанова ұсынды. Спикер жасанды интеллект мүмкіндіктерін пайдалана отырып, би қойылымын құрастыру, музыка мен қимылды үйлестіру, сахналық шешімдер әзірлеу тәсілдерін таныстырды. 
 

Бұл тақырыптар қатысушылар тарапынан ерекше қызығушылық тудырды.