Вокалды топ жетекшілеріне шеберлік сағатын ҚР мәдениет саласының үздігі, педагогика ғылымдарының кандидаты Салтанат Жақаева, ал домбырадан ҚР мәдениет саласының үздігі, облыстық халық шығармашылығы орталығының ұлттық жанр әдіскері Мұрат Хамитов өткізді. Би өнері бойынша шеберлік сағатын Қостанай педагогикалық колледжінің хореография бөлімінің меңгерушісі Салтанат Доспанова қолға алды. 

 

Шеберлік сағатында байқау-фестивальге қатысушылардың шығармаларының мазмұндылығын талдау, түрлі жаттығулар жасап, сахнада жұмыс істеу, көрерменмен байланыс сияқты маңызды мәселелер талқыланып, талданды. Бұл басқосудың маңызы өте жоғары.

 

Іс-шара аяқталған соң шеберлік сағаттарын өткізген жетекшілерге Алғыс хат табысталды. Осындай ғимаратты беріп, өткізуге жәрдемші болған мәдениет үйінің басшысы Бекзат Бақытбекұлына да айтар алғысымыз шексіз.