Бүгін Қостанай қаласындағы "Мирас" мәдениет үйінде ерекше тағылымды шара басталды.
Атап айтқанда, дәл қазір ҚР Мәдениет саласының үздігі, Шара Жиенқұлова атындағы республикалық би байқауының лауреаты, Ольга Голушкевич атындағы балетмейстер сыйлығының иегері, "Алтынай" мемлекеттік халық би ансамблінің би қоюшысы, балет әртісі, "Би әлем" Жетісу хореография орталығы қоғамдық бірлестігінің төрағасы Бегзат Ағиярдың қатысуымен "Қазақ биі" шеберлік сағаты өтіп жатыр.
Мұнда елге танымал өнерпаз жергілікті бишілермен бай тәжірибесін бөлісіп, ақыл-кеңестерін айтып, бағыт-бағдар беруде.
Бұл шеберлік сағатының би өнеріне енді ғана қадам басқан жастарға зор тағылым болары сөзсіз.
