Амангелді ауданының мәдениет үйінің жанынан алғаш 1968 жылы Халықтық қазақ ұлт-аспаптар оркестрі құрылды.
Оркестрдің алғашты көркемдік жетекшісі белгілі музыкант, ұстаз Төкен Елтебаев болатын.
Оркестр репертуары өте бай. Халық күйлері, халық әндері, шет ел және Қазақстан композиторының шығармаларын орындайды. Оркестр «Халықтық» атағын 1972 жылы қорғады.
Бүгінгі таңда оркестрдің көркемдік жетекшісі және дирижері, мәдениет үйінің директоры Олжас Қылдыбаев.
