«Гүлдер-ай» үлгілі би тобы 1996 жылы құрылды. Би ұжымының алғашқы жетекшісі Тұрсынова Мая Бақытқызы. Бұл би ұжымына 2007 жылға дейін жетекшілік етіп келді.Содан кейін көптеген би жетекшілері ауысты.
Қазіргі таңда, «Гүлдер-ай» би ұжымының жетекшісі Ержігітова Айткүл Сабырқызы. Айткүл 2019 жылдан бері жетекшілік етіп келеді. Кіші топпен 2021 жылдан бастап жұмыс жасалды. 1996 жылы Қостанай облысы, Амангелді ауданы, Құмкешу ауылында дүниеге келген. Қостанай мемлекеттік педагогикалық институтының «Музыкалық білім мамандығы» бойынша жоғарғы білім алды. Мектеп жасынан ән айтып, би билеп өсті. Жоғарғы білімді, әрі білікті, жауапкершілігі мол маман. Өз ісінің шебері.
«Гүлдер-ай» би ұжымында үлкен және кіші топтары бар. Олар өздерінің көрермендерін қашанда қуантады. Көрермендердің алғысын алып жүруде. Халықаралық, республикалық, облыстық байқаулардың жеңімпазы. Аудандағы қандайда болмасын іс-шара «Гүлдер-ай» би ұжымынсыз өтпейді. Бұл ұжымның жеткен жетістіктері аз емес.
Репертуарларында ұлттық билер, соның ішінде қазақ композиторларының күйіне қойылған билер. Жыл сайын жаңа билер қойылып келеді. Облыстық көркемөнерпаздардың халық шығармашылығы байқау – фестивалінде қазылар алқасының жоғарғы бағасын алып жүр. «Гүлдер-ай» би ұжымының Мерекелік концерттік бағдарламаларда жаңа билерімен көрермен ықыласына бөленіп келеді.
Айткүл Сабырқызының қойған билері әуенге негізделген түрлі қимылдары қандай да бір сюжетте көркем образ айшықтайтын мағыналы болып келеді. «Гүлдер-ай» үлгілі би тобы, «Үлгілі» атағын 2024 жылы қорғап. «Үлгілі» атағын алды. Халықаралық, респаубликалық, облыстық байқаулардың жеңімпазы.
