НАУРЫЗНАМА. ШАҢЫРАҚ күні
Ел ұйтқысы - Ене мен Келін
Отбасы құндылығы - Адам Ата мен Хауа Анадан бастау алып,ғасырдан-ғасырға жалғасып келе жатқан ұлағатты ұғым,баға жетпес асыл қасиет.
Отбасы тәрбиесінің бастауы -Ене мен келіннен бастау алады.Себебі,ене мен келіннің тағдыры бір.
Әулетке түскен жас келін уақыт өте енеге айналады.Отбасының берекесі ,жылылығы,айрандай ұйып отыруы ене мен келіннің жарастығына байланысты.
Бір шаңырақ астында тату-тәтті өмір сүріп,саналы ұрпақ тәрбиелеп отырған үлкен әулеттің бірі - Есентаев Шөптібай ақсақалдың жанұясы.
Өмірден өтіп кеткен отағасының қара шаңырағының ұйтқысы -Отанасы 80-ннің сеңгіріне шыққан,алтын құрсақты Тамара Сейдағазықызы.Ұлдарын ұяға,қыздарын қияғы қондырып отырған үлкен шаңырақтың иесі.Тамара апаның қолында екі келіні бар.Үлкен келіні Несібелді Қабденқызы 4 баланың анасы,3 немерінің әжесі.Немере келіні - Жаңагүл Ерланқызы 3 баланың анасы,орталық аурухананың перзентхана бөлімінің мейірбикесі.
Ұлыстың Ұлы күні - Наурыз мерексі қарсаңында Қ.Әбенов атындағы аудандық мәдениет үйінің сахнасында Ене мен Келіннің сыйластығы,ынтымағы,дастархан берекесі туралы сахналық шағын көрініс түсіріп көпшілік назарына ұсынылып отыр.
Салт-дәстүрімізді,ұлттық құндылықтарымызды берік ұстанған әулеттің Ене мен келіндері арасындағы қарым-қатынасы көпке үлгі болары һақ.
Әулеттің кіші келіні -Жаңагүл Ерланқызы жас болса да,ортасында сыйлы,ақ халатты абзал жандардың бірі. Жаңагүл - бармағынан бал тамған аспаз,берекелі,инабатты,ибалы келін.Келіндерінің алаңсыз жұмыс жасауына қос енесі ықпал жағдай жасап отыр.
Жыл басы Наурыз мерексі қарсаңында осындай берекелі отбасын көпшілікке танытуға ықпал жасаған орталық аурухана ұжымына алғыс білдірғеміз!
Ұлыс оң болсын!
Ақ мол болсын!
