Елімізде 12 Мамыр ( Мамыр айының екінші жексенбісі) ~ Аналар күні болып, аталып өтетін болды.
Осындай керемет жүрекке жылы мерекеде Қ. Әбеноа атындағы аудандық мәдениет үйінің әншісі, жас ана, Айша мен Әмина атты екі бүлдіршіннің анасы Мұханбетжан Айгерім Дастанқызы туралы бір үзік сыр.
Айгерім бес жасынан сахнаға шығып, ерекше дауысымен көрермен ықыласына бөленіп жүрген өнерпаз. Ол ата мен әжесінің тәрбиесінде болған қыз. Атасы Мұханбетжан танымал суретші, ағаштан түйін түйген қол өнер шебері, өнерлі жан. Айгерімді әнге баулыған алғашқы ұстазы атасы. Атасының баян аспабымен сүйемілдеуімен ән айтып өскен қыз, әнді өміріне серік етіп келеді.
Н. Құлжанова атындагы Торғай гуманитарлық колледжі “Аспаптық орындау және музыкалық өнер эстрадасы”
Қазақ Ұлттық Өнер университетінің “Арт-менеджмент” және “Вокал” факультеттерінің дайындық курсын тәмамдап, еңбек жолын өзі алғаш шыққан киелі сахна мәдениет үйінің әншісі болып бастады. Ол жастығына қарамай халықаралық, республикалық байқауларды бағындырыған жүлдегер. Оның екінші қыры драмалық актриса. Ж. Сомжүректің "Тілеп-Сарықыз" (Бақсының махаббаты) драмасында басты рөл Сарықыздың бейнесін сомдап, көрермен ықыласына бөленді.
Облыс әкімінің, облыстық мәдениет басқарма басшысының, облыстық шығармашылық орталық басшысының, аудан әкімінің алғыс хаттарымен марапатталды. Аудан жастарының "Ел үміті" кітабына есімі жазылды. Л. Т. Мизамбаеваның "Өнер ~сарқылмас қазына, таусылмас байлық" атты кітабының кейіпкері.
Өмірлік жары Ерболмен 2022 жылы қосылып, шаңырақ көтерді. Отағасы Ербол ~ полиция қызметкері.
Айгерімге өмірде үлгі тұтатын тұлға жан бар ма деген сауалымызға: "Өнерде әнші, көп балалы ана Қарақат Әбілдинаны үлгі тұтатынын, Қарақат сияқты өнер иесі, көп балалы ана болуды армандаса, өмірде анасы Тұмар Рамильқызы сияқты еңбекқор, табанды болсам дейді"
Иә, арманың орындалсын дейміз, өнердің өр мінезді қызы Айгерім!
Жас отбасыға шаңырақтарың биік, босағаларың берік, керегелерің кең, үбірлі-шүбірлі отбасы болуына тілектеспіз!