Дүниежүзілік сайлау күні
​Жыл сайын ақпанның бірінші бейсенбісінде барлық елдерде 2005 жылы Будапештте сайлау органдарының кәсіби мерекесі ретінде бекітілген
Дүниежүзілік сайлау күнін атап өтіледі.
​Дүниежүзілік сайлау күнін мерекелеудің бастамашысы, Қазақстан Республикасы толыққанды мүшесі болып табылатын, Еуропалық сайлауды ұйымдастырушылар қауымдастығы (ACEEEO) .
​Жыл сайын Дүниежүзілік сайлау күні аясында түрлі іс-шаралар өткізіледі. Қ.Әбенов атындағы аудандық мәдениет үйінде аудан жастарымен «Жастардың сайлау процесіне қатысуы. Дауыс беру және сайлану құқығы» тақырыбында дөңгелек үстел өтті.
​Кездесулерге қатысушылар кездесу тақырыбы бойынша талдауға қатысып, өз пікірлері мен көзқарастарымен бөлісті.
​31 қаңтар күні аудандық мәслихаттың жас депутаттарының ауданның белсенді жастарымен «Сайлау-біздің ісіміз» атты кездесуі өтті. Жиында аудандық мәслихат депутаттары сөз сөйледі. Депутат, аудандық мәслихаттың білім, денсаулық сақтау, мәдениет, халықты әлеуметтік қамсыздандыру мәселелері жөніндегі тұрақты комиссиясының төрағасы Айтқожа Әлімқұлов аудандық аурухана басшылығы тарапынан белгілі мамандықтағы дәрігерлерді тарту, денсаулық сақтау саласының жас мамандарына қолдау көрсету бағытында атқарылып жатқан жұмыстарға тоқталды, сондай-ақ. міндетті медициналық сақтандыру жүйесінің жұмысы туралы айтты.
​Депутат, аудандық мәслихаттың бюджет, экономика, құқық тәртібі және ауыл шаруашылығы мәселелері жөніндегі комиссиясының мүшесі Мерей Қалибек ұтымды сөз сөйлеп, жастарды еңбекке жігерлендірді, ауыл шаруашылығы мен кәсіпкерлікті мемлекеттік қолдауға тоқталды.
​Жастар өкілдері ашық сұхбатта депутаттарға сауалдарын қойып, толық, нақты жауаптар алды, сондай-ақ өзекті мәселелерді талқылауға қатысты.
​Аудандық сайлау комиссиясымен «Сайлау: ертең бүгін басталады» атты фотокөрме ұйымдастырылды.