Айтулы жиынға қатысқан аудан әкімі Карбозов Талғат Тойшыбекұлы Амангелді өңірінің қазақ тарихындағы рөліне тоқталып, өңір тұрғындарын аудан мерейтойымен құттықтады.
Бүгінгі мерекелік кеште ауданымыздың ұрпағының санын арттырып, ел демографиясына үлес қосқан аналарымызды күміс алқа иегерлерін марапатталды.
​Іс- шара барысында, кітапхананың тұрақты оқырмандары Амангелді орта мектебінің 10 сынып оқушылары Абілғазы Айша, Аймұхан Исмира, Маликова Ханзада жергілікті ақындарымыздың өлең шумақтарын тарту етті.
Амангелді ауданының тарихы – халық тағдырымен, бай тарихымен тығыз байланыста дамып келеді. Өз тарихын құрметтей білу- әр мемлекеттің тұрақтылығы мен дамуының негізі болып табылатынын айта отырып, ауданы тарихына шолу жасау мақсатында дайындалған кітап көрмесіне шолу жасалып, бейнебаян көпшілік назарына ұсынылды.
Іс - шара барысында Қ.Әбенов атындағы мәдениет үйінің әншілері Сейтқалиев Жазылбектің орындауында С. Оспановтың сөзіне жазылған, Қ.Деріпсалдинның «Есір көпір» әні, Есжанов Нұрсұлтанның орындауында А. Мұздахановтың әні «Құмда тұрған ауылым», Мұхамбетжанова Айгерім және Есжанов Нұрсұлтанның орндауындағы Хамитбек Мұсабаевтың сөзіне жазылған «Арайлы Амангелдім» әндері орындалды.
Бүгінгі күні аудан жастары баба ұрпақтың, ата ұрпақтың жақсы дәстүрлерін жасампаздықпен жалғастырып, жаңа биіктерге көтерілуде. Ұлт мұратына әрдайым адал болып, тәуелсіз қазақ мемлекетінің Көк туын көкте желбіретуге өз үлестерін аянбай қосуда. Әр кімге өз туған жері – жер төресі, сондықтан туған ауданымызға, барша халқына бақыт тілейміз. Ауданымыз одан әрі көркейіп кемелдене берсін.