Сарыарқаның сардаласын ән мен күйге тербетіп, Амангелді батырдың тұяғының ізі қалған арайлы Амангелді мен Шәмші ағаның «Арқалықтың ақ таңы» деп әнге қосқан асқақ Арқалықтың көркемөнерпаздар ұжымдары адамзаттың алыбы А.Байтұрсынұлының 150 жылдығына арналған «Дала фест» шығармашылық марафонына және Қостанай қаласының 143 жылдық туған күніне орай концерттік бағдарламасына өткізілді.

Концерттік бағдарлама Қостанай қаласының орталық саябағы, Жастар сарайының алдында Гашек көшесінде орналасқан жағалау сахнасында өтті.

«Дала-фест» шығармашылық марафонының негізгі мақсаты Қостанай облысы көркемөнерпаздарының халық шығармашылығын дамыту және қолдау. Шығармашылық ұжымдар мен жекелеген орындаушыларға өздерінің шығармашылық әлеуетін іске асыру мүмкіндігін арттыру болып табылады.

Бірнеше апта бойы облыстың аудандары Қостанайдың аспанын әнге бөлеп, әсем әуезді үндерімен қаланы тербеп келеді. Аталған марафонның тізгіні Амангелді мен Арқалықтың өнерпаздары Қостанай қаласының 143 жылдық туған күні қарсаңында ұйымдастырылған.

Облыста өткен концерттік бағдарлама ерекше әрі өз деңгейіне сай жоғары дәреже де өткен көрінеді. Олай деумізге Аманкелді аудандық Қ. Әбенов атындағы мәдениет үйінің директоры Олжас Қылдыбаевтың жүрек жарды сөзі себеп болып отыр. Ол өз сөзінде:

"Әсем әуен, ерекше үндер, түрлі музыкалық аспаптың дыбыстары барлығы дерлік қаланы өзгеше әсерге бөлеп тұрды. Ең маңыздысы жиналушы халықтың шынайы ықыластары мен таза көңілдері бірден байқалды. Өнерпаздарымыз қысылмай, өздерін емін-еркін сезінді. Соның арқасы болу керек бойымызға шабыт бітіп, жақсы көңіл күйде бағдарламамызды орындап шықтық. Сондай-ақ, көрші Арқалық қаласынан келген өнер иелері де әдемі өнер көрсетті. Осындай шаралардың өтіп тұру тек мәдениет қызметкерлерін ғана емес, қалың жұртшылықты да қуантады екен" — дейді Олжас Қылдыбаев.