"Ақ Желкен ~ өнер бастауы"

Бүгін аудандық мәдениет үйінде жас әншілердің "Ақ желкен ~2022" аудандық байқауы өткізілді.


ҚР "Мәдениет саласының үздігі" төсбелгі иегрі Мизамбаева Лиза Таутанқызының өміршең жобаларының бірегейі, шоқтығы биік байқауы. Жиырма жыл бойы ауданымыздың өнерлі өнерпаздарын үлкен сахнаға шығарар баспалдағы. Осы жылдар аралығында байқау жеңімпаздары халықаралық, республикалық, облыстық ән байқауларын бағындырып келеді.


Бүгінгі байқауда аудан, ауыл мектептерінен 28 өнерлі үміткер бақ сынады.
Байқау шымылдығы
Ішкі саясат, спорт,мәдениет және тілдерді дамыту бөлімінің басшысы Сейдин Сағынғали Зәкірұлы үміткерлерді құттықтап, сәттілік тілекпен ашылды.


Байқауға Қ. Әбенов атындағы аудандық мәдениет үйінің директоры О. Ж. Қылдыбаев
ҚР "Мәдениет саласының үздігі" төсбелгі иегрі, аудандық мәдениет үйінің әдістемелік кабинет меңгерушісі Л. Т. Мизамбаева
Саз мектебінің мұғалімі, халықтық ұлт ~аспаптар оркестрінің әншісі К. С. Қабақова
Аудандық тілдерді дамыту бөлімінің директоры А. Ж. Сабыршинов қазылық жасады.


Қазылар алқасының шешімімен байқау қортындысы бойынша бас жүлде Амантоғай ауылының 13 жасар үміткері Жұмағали Айназға тапсырылды.


Жүлделі орындарды Амантоғай, Жалдама, Үштоғай, Бүйректал, Қолдасбаев, Алтынсарин, Саз мектебінің үміткерлері бөлісті.


Биылғы байқаудың ерекшелгі екі кезеңде аудандық, аймақтық кезеңдерден болуы
Бүгінгі байқау аудандық кезең, жеңімпаздар аймақтық кезеңге жолдама алды. Аймақтық мамыр айында өтетін болады.


Байқау жеңімпаздарын құттықтаймыз!
Аймақтық кезеңде кездескенше!
Байқауға үміткерлерді дайындаған жетекшілері мен мектеп басшылығына алғыс білдіреміз!