Аудандық Халықтық Ұлт-аспаптар оркестрі.

Аудандық Халықтық Ұлт-аспаптар оркестрі.

Ауданымызда ұлт-аспаптар оркестрі алғаш 1968 жылы құрылды. Оркестрдің алғашқы көркемдік жетекшісі елімізден шыққан тума талант, белгілі музыкант, ұстаз Төкен Елтебаев болатын. Кейін жетекшілік етуге өнер саласында көп еңбек сіңірген Сапарғали Ахметжанов келді. Ол кісінің басшылығымен оркестр Қазақстанның көптеген қалаларында гастрольдік сапармен аралап, көпшіліктің ықыласына бөленді.
Атап айтар болсақ Алматы, Қарағанды, Павлодар, Жезқазған т.б. 1993 жылы оркестр Туркия мемлекетіне барып, шет елге қазақ өнерін паш етіп қайтты.
Оркестр өзінің бай репертуарымен мақтана алады: Халық әндері мен күйлері, халық композиторлары Құрманғазы, Тәттімбет, Қазанғап, Дина т.б. Сонымен қатар әлемнің классиктерінің шығармалары көптеп кездеседі.

Қазіргі таңда оркестрдің көркемдік жетекшісі және дирижеры Олжас Қылдыбаев. Олжас – жоғары білімді педагог, талантты музыкант. Қазіргі таңда мәдениет үйінің директоры

Ол дәстүрлі музыка, классикалық туындылар және жергілікті композиторлардың шығармашылығына аса назар аударып, жұмыс жасайды. Айтбай Мұздаханов, Қалибек Деріпсалдин, Бақытжан Сәуекенов, Болат Хамзиннің туындылары назардан тыс қалған емес.

2019 жылы алғаш рет бекітілген Ұлттық домбыра күніне ұйымдастырылған 1000 домбырашылардың бір мезетте Құрманғазының «Балбырауын» және халық күйі «Келіншек» күйін орындаған еді. Осы атаулы іс-шарада Халықтық Ұлт-аспаптар оркестрінің негізгі құрамыда болды. Аудан домбырашылары Гиннестің Халықаралық рекордтар кітабына тіркелді. Тіркелгенін анықтайтын сертификат Ресейдің Сочи қаласынан келді.