Амангелді ауданының Үрпек ауылдық мәдениет үйі

Қ.Әбенов атындағы аудандық мәдениет үйіне қарасты Үрпек ауылдық мәдениет үйінің тарихы тереңде жатыр. Торғай өзені жағасында орналасқан Үрпек ауылдық мәдениет үйі өткен ғасырдың алпысыншы жылдарынан бері халыққа рухани қызмет көрсетіп келеді. 2016 жылы республикалық «Өңірлік дамыту» бағдарламасы бойынша аудан бюджетінен қаржы бөлініп, күрделі жөндеуден өтіп, заманауи жабдықталған клуб ғимараты халық игілігіне тапсырылды.

Мәдениет үйінің жөндеуіне Үрпек ауылының іскер азамттары да қомақты көмек берді. Мәдениет үйінде қазақ ұлт-аспаптар ансамблі, жетекшісі Байкенов Жангелді, дәстүрлі өнер және драма үйірмесі, жетекшісі Жетпіспаева Жұмагүлсін, ересектер мен балалар хоры, жетекшісі Ерубаев Таңатқан, «Сымбат» бишілер тобы, жетекшісі Ақдәулетова Салтанат, әжелер ансамблі, жетекшісі Нұржанова Майраш Тұрғынбайқызы үйірмелері жұмыс жасайды.

Мәдениет үйінің әдіскері Айгүл Жұмағанбетова 10 жылдан бері жемісті еңбек етіп келеді, білімі арнаулы орта. Облыстық ауыл клубтары арасындағы «Үздік ауыл клубы 2017» байқауында жүлделі үшінші орын иеленді, сонымен қатар, аудандық іс-шараларға, халық шығармашылығы көркемөнерпаздар фестиваліне Үрпек ауылы белсенді қатысып, жүлделі орындардан көрініп жүр.

Ай сайын аудандық мәдениет үйінің әдістемелік кабинет меңгерушісіне есеп беріп отырады. Қазіргі таңда халық шығармашылығы көркемөнерпаздар фестиваліне, Ұлттық домбыра күніне орай өтетін «1001домбыра» флешмобына дайындық үстінде.