Москалевка ауылдық клубы 1973 жылдан бастап қазіргі таңға дейін ауыл тұрғындарына рухани азық сыйлап, түрлі мәдени іс-шараларды ұйымдастырып келеді.
Клубтың мәдени ұйымдастырушысы Жамахина Багиткуль Темиртекқызы мен музыкалық жетекші Шакиров Дулат Балгабаевич жыл басында бекітілген жоспар бойынша іс-шараларды ұйымдастырып, ауыл мәдениетін көтеруге атсалысуда.
Ай сайын аудандық мәдениет үйінің әдістемелік кабинет меңгерушісіне атқарылған жұмыстар жөнінде есеп беріледі.
Ауыл жастарының бос уақытын ұйымдастыру мақсатында хореография, вокал, аспаптық жанр және жас ақындар үйірмелері жұмыс жасайды.
Мисюра Оксана Сергеевна жетекшілігімен «Таншолпан» «Жұлдыз» би ұжымдары құрылды. Аздаған уақыт ішінде бұл ұжым қажырлы еңбектерінің арқасында көптеген байқаулар мен сайыстардың жеңімпаздары атанды.
Москалевка ауылдық клубы өнерпаздары тек қана ауыл сахнасында өнер көрсетіп қоймай, аудандық іс-шараларға белсенді қатысып, үнемі шығармашылық ізденіс үстінде жүреді.
2016 жылы облыстық «Үздік ауылдық клуб» сайысына қатысып, І жүлделі орынға ие болды. Сонымен қатар облыстық «Украинский фестиваль» конкурсында да жүлделі орынға ие болуы ауыл клубының мәдени-ұйымдастырушылық жұмысының жақсы нәтижеге қол жеткізгенін көрсетеді.
Москалевка ауылдық клубы 1973 жылдан бастап қазіргі таңға дейін ауыл тұрғындарына рухани азық сыйлап, түрлі мәдени іс-шараларды ұйымдастырып келеді.
