«Амангелді ауданы әкімдігінің мәдениет және тілдерді дамыту бөлімінің Қ.Әбенов атындағы мәдениет үйі» КММ мәдени іс-шараларға жасаған 2019 жылдық есебі
Амангелді аудандық Қ.Әбенов атындағы Мәдениет үйінің
2019 жылда атқарған мәдени іс- шараларының есебі.
Аудандық Мәдениет үйіне қарасты клубтар- 11
Кадр құрамы-23
Өткізілген барлық шаралар саны-908
Барлық келуші адам саны-102350
Ақылы қызмет көрсетуден түскен табыс- 0
Барлық клубтың құрылымдар саны-55
Оған қатысушылар -815
«Халықтық» атағы бар ұжымдар саны-3
Жұмыстың мақсаты мен міндеті.
Жаңа Жыл басында бухгалтерлік есеп және финанс ережелерін қадағалап, ауыл клубтарының мәдени іс-шараларының ұйымдастырылуы, клубтарға әдіскерлік көмек көрсету, материалдық –техникалық базаны нығайту жұмыстары жүзеге асырылды.
Ұйымдастыру жұмыстары:
Жылдық жұмыс жоспарын жасау, шығармашылық ұжымның репертуарын құру, ұжымның жұмыс кестесін бекіту, жыл бойы өтетін іс-шаралардың ережелерін бекіту, ұйымдастырылған мәдени іс-шараларады баспасөз бетіне жариялау, талантты жастарды ісдеп тауып сахнаға шығару, жаңа технология мен әдістердің түрлерін пайдалана отырып, жұмыстар жүргізілді.
Салтанатты, қоғамдық-саяси және
атаулы күндерге байланысты өткізілетін іс-шаралар.
1 мамыр ҚР Халықтар бірлігі күніне байланысты «Қазақстан – достық мекені» атты мәдени іс-шара аясында «Наурыз» алаңында өзге ұлт өкілдерінің костюмін, дәстүрін, тағамдарын, өнерін мектеп, мекеме ұжымдары аудан халқына ұсынды.
Ұлы Жеңістің мерекесіне орай «Ұрпақтар ұмытпайтын Ұлы Жеңіс » атты Ұлы Жеңіс мерекесіне арналған әндерден байқау өтті. Байқауға аудан, ауыл мектептерінен 30 өнерпаз қатысты.
Нашақорлыққа қарсы аймақтық бағдарлама
Нашақорлыққа қарсы іс-шаралар мен мәселелерін дөңгелек столда аудан жастарымен талқылау, «Болашаққа сенім» атты акция тоқсан сайын мектеп оқушылары мен орталық аурухана қызметкерлерінің қатысуымен ұйымдастырылып отырады. Сонымен қатар аудан жастарына би кештері ұйымдастырылып, «Жаңа ғасыр адамы- дені сау, рухы мықты азамат» атты акция жүйелі түрде жүргізіледі.
Мәдени мұра
8 наурыз халықаралық әйелдер күні мерекесіне орай «Ана – өмір шуағы» концерттік бағдарлама және 8 Наурыз –Халықаралық әйелдері күні мерекесіне орай ұйымдастырылатын «Мамандығым-мақтанышым» атты аудан, ауыл мекемелерінің қыз-келіншектері арасындағы сайысы өтті.
Сайысты өткізудің басты мақсаты аудан,ауыл мекемелерінде жұмыс жасайтын өз мамандығының нағыз майталманы болып табылатын қыз-келіншектерді іздеп тауып, сахнаға шығарып , мамандығының қыр-сырын насихаттауға ықпал жасау. Сайысқа аудан, ауыл мекемелерінде жұмыс жасайтын жасы 20-35 жас аралығындағы өз мамандығының шебері болып табылатын 9 қыз-келіншектер қатысты. Сайыстың шарттарынан сүрінбей өткен Қолдасбаев жалпы білім беретін орта мектебінің жас мұғалімі Ғазезова Айгерім Сабырқызы жеңімпаз атанды. М. Қапышев атындағы халық театрының әртістері театрдың алғашқы режиссері М.Қапышевтің 80 жылдық еске алу кешінде Л.Қапышеваның «Ауылға барам» атты театрландырылған сазды-хореографиялық көріністі бейнеледі.
Балабақша бүлдіршіндері арасында «Түйме қыз» атты сайыс өтті. Сайыс қортындысы бойынша «Қаламқас» балабақшасының 3 жасар бүлдіршіні Қонысбек Жансая жеңімпаз атанды. Шілде айында - Республикалық «Рухани қазына» бағдарламасы аясында «Ұлы дала сазы» атты аудан өнерпаздарының өнегелі мұратқа сүйене отыра, халықтың өз жерінің дәстүрлеріне, тарихына және мәдениетіне деген қызығушылығы мен құрметін жаңарту. Шағын Отанымыздың жеке бейнесін жасау және дамыту, өз өлкемізге деген сүйіспеншілікті насихаттау қажет. Осы орайда Амангелді аудандағы Қ.Әбенов атындағы мәдениет үйінің 10 өнерпазы Ақсай, Үштоғай,Амантоғай, Құмкешу, Байғабыл, Үрпек ауылдарын аралап, халыққа рухани демалыс сыйлап қайтты. 1 қазан – Халықаралық музыка күніне орайластырылған халықтық ұлт-аспаптар оркестрінің әншілері, қос өнерпаз Сейтқалиев Жазылбек және Қабақова Кенжегүлдің «Ән қанатында» атты шығармашылық кеші ұйымдастырылып Аудан әкімі Асанов Әмірхан Біркенұлы және Облыстық халық шығармашылық орталығының көркемдік жетекшісі Өтелбаева Салтанат Амантайқызы Алғыс хаттарын тапсырды.
Кештің мақсаты: қос өнерпаздың шығармашылығын көрерменге кеңінен таныстыру, ұлттық өнерімізді ұлықтау болып табылады.
Қ.Әбенов атындағы мәдениет үйінің әншісі Жоламанова Фариза облыстық «Мәңгілік ел» атты патриоттық әндерден 1 орын иеленді, облыстық «Алтын микрофон -2019» ән байқауында Өміржан Асылжан 2 орын, Халықаралық «Алтын микрофон -2019» ән байқауында 2 орын иеленіп, Халықаралық «Бозторғай» балалар шығармашылығы өнер фестивалінде Гран-при жеңіп алды.Қабдыхамитов Ерназ облыстық «Алтын микрофон - 2019» байқауында 3 орын иеленіп Италия мемлекетінің Пенето қаласында өткен халықаралық әншілер байқауында 1 орынды жеңіп алды.
Облыстық ХХХІІІ көркемөнерпаздар халықшығармашылығы фестивалінде аудан өнерпаздары жүлделі 3 орын және 500 000 теңгелік сертификатқа ие болды.
«Рухани қазына мәдениет қызметкерлері мен ұйымдарының облыстық байқауында Амантоғай ауылдық мәдениет үйі «Үздік ауылдық маңызы бар мемлекеттік Мәдениет үйі» атанды.
2019 жылдың 3 –ші шілдесі күні Елбасымыздың «Рухани жаңғыру» бағдарламасы аясында Елорда және Ұлттық домбыра күніне арналып, 1000 адамнан құрылған домбырашылар флэшмобы ұйымдастырылды. 1000 домырашының ең жасы 13 жаста болса, ең қарты 80 жаста.
Алғаш рет облыс көлемінде аймақтық «Қызғалдақтар фестивалі» ауданымызда жоғарғы деңгейде өтті.
Елорда күніне орай 3 – ші шілдеде аудан орталығында «Жастар саябағы» ашылып, әр апта сайын кесте бойынша ауылдық округ өнерпаздарының концерттік бағдарламасы ұйымдастврылып отырды.
Қостанай облысының аудандары мен қалаларының көркемдік жетекшілері және әдіскерлеріне арналған «Мәдениет – халықтың алтын діңгегі» атты аймақтық семинарын, аудандық мәдениет үйінің әдістемелік кабинетінің меңгерушісі Мизамбаева Лиза Таутанқызына семинарды жоғарғы деңгейде ұйымдастырғаны үшін облыстық халықшығармашылығы орталығы басшысы Д. Қалқаевтың алғыс хаты мен сертификаты тапсырылды.
Жастар жылына орайластырылған «Жалындаған жастар өнер айдынында» атты өнерлі 7 өнерпаздың қатысуымен шоу ұйымдастырылып, аудан әкімінің Алғыс хаты табысталды.
Жас ұстаздарға арналған «ЖұлдызLIFE» атты III кезеңдік өнер сайысы ұйымдастырылып, сайыс қорытындысы бойынша Алтынсарин жалпы білім беретін орта мектебінің «Алтынсарин жұлдыздары» командасы жеңімпаз атанды.
Шаруашылық қызмет және материалдық- техникалық база
Сахналық костюмге -3100,0 теңге,
Заневес,стол-596,0теңге
компьютер құралы және кондиционер-319,0 теңге
кресло-668,0 теңге
стойка микрофон – 163,350 теңге
ноутбук – 150,0 теңге
принтер – 85,500 теңге
микрофон – 116,340 теңге
Мәселелер мен ұсыныстар
Қазіргі танда Аудандық мәдениет үйі хореограф маманына зәру.
Жас таланттарды анықтау,оларды үлкен сахнаға шығару мақсатында облыстық көлемде түрлі өнер байқаулары мен сайыстар жиі ұйымдастыруды ұсынамыз.
