Қазақстан Республикасы Тәуелсіздігінің 30 жылдығы мен Ыбырай Алтынсариннің 180 жылдығына арналған «Тәуелсіздік, елімнің тұмарысың!» республикалық айтысы
БАСПАСӨЗ ХАБАРЛАМАСЫ
Қазақстан Республикасы Тәуелсіздігінің 30 жылдығы мен Ыбырай Алтынсариннің 180 жылдығына арналған «Тәуелсіздік, елімнің тұмарысың!» республикалық айтысы
Өтетін уақыты:
Іс-шараның ашылу салтанаты — 29.10.2021 сағат 16:00-де,
Іс-шараның жабылу рәсімі — 30.10.2021 сағат 10:00-да.
Өтетін орны:
Қостанай қаласы, Юбилейный шағын ауданы, 56
(«Жастар Сарайы» ғимараты)
2021 жылдың 29 қазаны күні сағат 16:00-де және 30 қазанда
сағат 10:00-да Қостанай қаласындағы Жастар сарайының концерт залында Тәуелсіздіктің 30 жылдығы және Ыбырай Алтынсариннің
180 жылдығына арналған «Тәуелсіздік, елімнің тұмарысың!» атты республикалық ақындар айтысы өтеді
Іс-шара «Nur Otan» партиясының қатысуымен және қолдауымен өтеді:
«Nur Otan» партиясы төрағасының бірінші орынбасары Бауыржан Қыдырғалиұлы Байбек Қостанай облысына жұмыс сапары барысында қазақтың көрнекті ағартушысы, ақыны Ы.Алтынсариннің 180 жылдығына орай ұлы ұстаздың туған жерінде республикалық ақындар айтысын өткізуді ұсынды. Осы жылы айтысқа дайындық жұмыстары «Nur Otan» партиясының Қостанай облыстық филиалының қатысуымен және қолдауымен өтті, соның ішінде жүлде қорын қалыптастыру іс-шарасына қатысты.
Іс-шараны ұйымдастырушы:
«Қостанай облысы әкімдігінің мәдениет басқармасы» ММ;
Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК
Айтысқа белгілі қазақстандық айтыскерлер қатысады:
Тоба Өтепбаев (Қостанай), Нұрмат Мансұров (Қызылорда), Нұрлан Есенқұлов (Шымкент), Салтанат Өтелбаева (Қостанай), Айбар Рағатов (Қостанай), Жарқын Жұпархан (Петропавл), Аспанбек Шұғатаев (Павлодар), Тілеген Әділов (Қарағанды), Батырлан Сағынтаев (Арқалық), Мейірбек Сұлтанхан (Қызылорда), Қалижан Білдәшев (Түркістан), Жансая Мусина (Орал), Шұғайып Сезімхан (Алматы), Рүстем Қайыртайұлы (Алматы).
Айтыстың жүргізушісі — Қазақстанның еңбек сіңірген қайраткері, ақын, публицист және тележүргізуші Жүрсін Ерман.
Облыстың электрондық және баспа БАҚ журналистерін осы іс-шараға қатысуға және ақпараттық қолдау көрсетуге шақырамыз.
