Қазақстан Республикасының мәдениет қайраткері, композитор Қорғанбекова Шолпан Ділдәбекқызының ұлт аспаптар ансамбльдеріне арналған шығармалары Ұсынылып отырған Шолпан Ділдәбекқызының ансамбльге арналған шығармалары қазақ халқының тарихи жадын, ұлттық рухын және рухани құндылықтарын музыка тілі арқылы жеткізеді.
Автор өз шығармаларында қазақ халқының дәстүрлі музыкалық мұрасын заманауи бағытта дамытып, ұлттық әуен мен көркемдік ойды үйлестірген.
Шолпан Қорғанбекованың «Тарлан Мұстафа Өзтүрікке арнау», «Аманат», «Батыр Бауыржан», «Кейкі батыр», «Сұлтан Бейбарыс» сынды шығармалары ел тарихындағы көрнекті тұлғалардың ерлігі мен қайсарлығын, отансүйгіштік рухын терең сезіммен жеткізеді. Ал «Дала тынысы», «Көк түріктер», «Қасиетті ел! Тараз еліне арналған» туындыларында кең дала болмысы, түркілік тамыр мен ұлттық дүниетаным кеңінен көрініс тапқан.
«Тоқым қағар» мен «Төрткүл түмені» шығармалары халықтық дәстүр мен салт-сана көріністерін жаңаша музыкалық тілде өрнектесе, «Шыңғысхан толғауы» кинофильм әуеніне жасалған интерпретация тыңдаушыға тарихи тақырыпты жаңа қырынан қабылдауға мүмкіндік береді.
Бұл шығармалар ансамбльдік орындауға лайықталып, әр аспаптың мүмкіндігін ашуға, орындаушылардың өзара үйлесімін қалыптастыруға бағытталған. Жинақ кәсіби өнерпаздармен қатар, білім алушы жас музыканттарға да арналған.
Аталған туындылар орындаушыларға шабыт беріп, ұлттық музыканы дәріптеуге, сахналық мәдениетті дамытуға өз үлесін қосады деп сенеміз.
Облыстық көркемөнерпаздардың халық шығармашылығы мен кинобейнеқор орталығы
1. Ш.Қорғанбек «Тарлан Мұстафа Өзтүрікке арнау» ...................................
2. Ш.Қорғанбек «Аманат»..................................................................................
3. Ш.Қорғанбек «Батыр Бауыржан»...................................................................
4. Ш.Қорғанбек «Дала тынысы»...........................................................................
5. Ш.Қорғанбек «Кейкі батыр»..............................................................................
6. Ш.Қорғанбек «Көк түріктер»............................................................................
7. Ш.Қорғанбек «Қасиетті ел! Тараз еліне арналған»........................................
8. Ш.Қорғанбек «Сұлтан Бейбарыс».....................................................................
9. Ш.Қорғанбек «Тоқым қағар»..............................................................................
10 Ш.Қорғанбек «Төрткүл түмені» .......................................................................
11. Шынғысхан толғауы кинофильм əуеніне интерпретация...............................
