ШЕБЕРЛІК САҒАТЫ ӨТТІ

29 сәуірде сағат 14 00-де Қостанай ауданы, «Алтын дән» мәдениет үйінде дәстүрлі әнші, Қазақстанның еңбек сіңірген қайраткері, «Құрмет» орденінің және «Дарын» мемлекеттік сыйлығының иегері, префессор Айгүл Қосанова республикалық байқауларға қатысып жүрген өңіріміздің дәстүрлі әншілеріне арнап шеберлік сағатын өткізді.

Іс-шараның мақсаты — қазақ халқының дәстүрлі ән өнерін дамыту, өскелең ұрпақты эстетикалық тәрбиелеуде рөлін күшейту. Орындаушылардың кәсіби шеберлігін арттыра отырып, қазақстандық патриотизмді және ұлттық мәдениетке деген сүйіспеншілікті қалыптастыру, ән өнеріндегі ұрпақ сабақтастығын жалғастыру.

Шеберлік сағаты барысында республикалық деңгейдегі байқауларға қалай дайындалу керек, оған тиісті репертуар әзірлеу, дауысты қою, домбыраны бабына келтіру, байқауға арналған шығармаларды таңдау мәселелері талқыланды. Республика деңгейінде өтетін байқауларға қалай бару керек, оған қатысудың маңызы мен берері, әнші ретінде өсудің жолдары жайында жан-жақсы түсіндіріп, бағыт бағдар берді. Айгүл Қосанова іс-шараға қатысқан өнерпаздардың шеберліктерін де байқап, олардың ән айту деңгейін, өзін өзі ұстауын, шеберлігін бақылап, ақыл кеңесін қосты. Шеберлік сағатқа республикалық сахналарда көрініп, танылып жүрген өңіріміздің дәстүрлі әншілері қатысып, өздеріне керек ақпарат ала білді.

Посмотреть эту публикацию в Instagram

Публикация от Culture Qostanai (@culture_qostanai)