Қостанайда республикалық және халықаралық сайыстарға қатысушы вокалистерге арналған шеберлік сыныбы өтті
Бұл іс-шара жас әншілердің орындаушылық шеберлігін шыңдап, кәсіби деңгейін көтеруге бағытталған.
Шеберлік сыныбын Рудный музыка колледжінің бөлім меңгерушісі, Е. Өмірзақов атындағы облыстық Қостанай облыстық филармониясының солисті, Халықаралық және республикалық байқаулардың лауреаты Алуа Мүсәпірова жүргізді. Ол қатысушыларға дауысты дұрыс қолдану, сахна мәдениеті және вокалдық техникалар бойынша маңызды кеңестер берді.
Облыстың түкпір-түкпірінен келген жас өнерпаздар бұл мүмкіндікті пайдаланып, өздерінің дағдыларын жетілдірді. Іс-шарадан кейін қатысушылар Қостанайда өтіп жатқан «JASstar.kst» қалалық шығармашылық байқауын тамашалап, өнерпаздардың орындауынан шабыт алды. Байқау барысында олар шеберлік сыныбында үйренген әдістердің сахнада қалай қолданылатынын байқап, тәжірибелерін толықтырды. Бұл жас таланттардың кәсіби өсуіне үлкен серпін берген маңызды шаралардың бірі болды.
Қостанай жоғарғы педагогикалық колледжі ұжымына, басшысы Құсайын Жомарт Қоңырбайұлына алғысымызды айтамыз.
