Қостанай облысы әкімдігі мәдениет басқармасының Облыстық көркемөнерпаздардың халық шығармашылығы мен кинобейнеқор орталығы мен Амангелді ауданы әкімдігінің мәдениет және тілдерді дамыту бөлімінің ұйымдастыруымен 2021 жылдың 25 маусым күні Қостанай ауданы, Тобыл қаласы «Алтын дән» мәдениет үйінде «Шаңырақ» Ұлттық өнер орталығында Домбыра күніне орай «Өнер таусылмас азық, жұтамас байлық» атты семинар өтті.
Семинардың мақсаты: мәдени іс-шараларды ұйымдастырудың тиімді тәсілдерімен таныстыру және өзара тәжірибе алмасу.
«Алтын дән» мәдениет үйінің фойесінде ұйымдастырылған семинар тақырыбына арналған көрмеге Мәдениет басқармасының басшысы
Е.Қалмақов қатысып, Амангелді ауданынан келген делегацияға семинардың жоғары деңгейде өтуіне сәттілік тіледі.
Семинарда Лиза Таутанқызы «Домбыра - асыл мұра» атты Ұлттық Домбыра күніне орай өтілетін, ұлттық аспабымыз бен өнерімізді дәріптеу мақсатындағы іс шараларды ұйымдастыру жолдарымен тәжірибе бөлісті.
Есір ауылдық клуб әдіскері Изтелеуов Балтасар «Ауыл- рухани мәдениет айнасы» тақырыбында өз іс тәжірибесін ортаға салды.
Семинарға қатысушы аудан, қалалардан келген мәдениет қызметкерлері мәдени іс-шаралар жүргізудің әдістемелік, тәжірибелік жолдары жөнінде өзара пікір алмасып, тәжірибелерімен бөлісті.
Амангелді аудандық мәдениет үйінің өнерпаздары семинарға қатысушыларға музыкалық сәлем жолдап, Жұма-Назар Сомжүрекұлының «Тілеп-Сарықыз» драмасынан үзінді көрсетті.
Мәдени іс-шараға Қостанай облысы әкімдігі мәдениет басқармасының Облыстық көркемөнерпаздардың халық шығармашылығы мен кинобейнеқор орталығының басшысы Қалқаев Дәмер Елтайұлы, Амангелді ауданы әкімдігінің мәдениет және тілдерді дамыту бөлімінің басшысы Сейдин Сағынғали Зәкірұлы сонымен қатар, Атырау қаласынан арнайы келген Атырау облыстық халық шығармашылығы орталығының басшысы Аманиязов Жәнібек Қайратұлы және бөлім жетекшісі, Мәдениет саласының үздігі Жантлекова Асила Нагимқызы қатысты.
Семинар соңында шағын концерттік бағдарлама ұсынылып, облыстық көркемөнерпаздардың халық шығармашылығы мен кинобейнекор орталығының басшысы Д.Қалқаев семинарға қатысқан мәдениет қызметкерлеріне сертификаттар табыстап, семинарды жүргізген Лиза Таутанқызына алғыс хат, сертификат табыстады.
