Бүгін 23 сәуірде сағат 16.00-де «Облыстық көркемөнерпаздардың халық шығармашылығы мен кинобейнеқор орталығы» КМҚК-ның ұйымдастырумен облыстық Л. Толстой атындағы әмбебап кітапханасында «Көркемөнерпаздар ұжымдарына «Халықтық» немесе «Үлгілі» атағына өтінім беру» тақырыбындағы ZOOM алаңында онлайн конференция болып өтті.

Онлайн конференцияның мақсаты «Көркемөнерпаздар ұжымдарына «Халықтық» немесе «Үлгілі» атағын беруге өтінімдерді қабылдау» мемлекеттік қызметін алу жолдарын түсіндіру.

Іс-шараны ұйымдастыру барысында облыстық аудан, қала мәдениет бөлімдерінің басшыларына конференцияға қатысу үшін ресми хаттар жолданды. Нәтижесінде, мәдениет бөлімдерінің басшылары, мәдениет үйлерінің директорлары мен қызметкерлері және «Халықтық» атағы бар ұжымдардың өкілдері қатысты. Барлығы 45 адам қатысты.

Тағы бір айта кететіні, мемлекеттік қызметті алудың «электрондық веб-порталы www.egov.kz немесе www.еlisence.kz арқылы беру жолдарын жан-жақты түсіндіру мақсатында, Қостанай облысының «Азаматтарға арналған үкімет» мемлекеттік корпорациясы» Тобыл қаласы ХҚКО-ның басшысы Бектұров Сағадат Айтбайұлы қатысты.

Аталған іс-шараны орталықтың мәдени-демалыс жұмысын және халық шығармашылығын ұйымдастыру бөлімінің меңгерушісі Ж. Айсағалиев өткізді. Конференцияға қатысушыларға толық мағлұмат беріліп, сұрақтарына жауаптар алынды.

Бастысы өзге ұлт өкілдеріне Тобыл қаласы ХҚКО-ның басшысы Бектұров Сағадат Айтбайұлы мен орталықтың мәдени-демалыс жұмысын және халық шығармашылығын ұйымдастыру бөлімінің меңгерушісі Ж. Айсағалиев екі тілде еркін ақпарат беріп отырды.