3 желтоқсан күні «Zoom» бағдарламасы арқылы Республикалық «Күйшілер Одағының» кезекті отырысы өтті

«Күйшілер Одағы» республикалық қоғамдық бірлестік ретінде 2019 жылдың 28 қаңтарында Әділет министрлігіне тіркеліп, заңдық негізде жұмысын бастаған болатын.

Күйшілер одағының төрағасы Кенжеғалиев Асқар Мұхамбетқалиұлы бірлестіктің алға қойған мақсаты мен міндеттерін, құқықтары жайлы айтып өтті. Отырыста облыстарда заңды түрде тіркелген, мекен-жайы бар «Күйшілер Одағының» филиалдарын ашу мәселесі қаралды. Облыстағы филиалдар Республикалық «Күйшілер Одағымен» тығыз байланыста болып, жоспар, ереже, сенім хаттар алып, құрамына енген күйшілермен жоспарлы түрде жұмыс атқаратыны жөнінде айтылды.

Қостанай облысы бойынша күйшілік өнерді насихаттау барысында «Облыстық көркемөнерпаздардың халық шығармашылығы мен кинобейнеқор орталығы» КМҚК ұйымдастыруымен Ұлттық домбыра күні аясында аудан, қала домбырашыларының арасында «Күмбірле, қоңыр домбыра!» байқауы өткізілді.

Қазылар алқасының шешімі бойынша:
1-орын Кәкімов Арман (Әулиекөл ауданы)
2-орын Сейдахметов Абай (Сарыкөл ауданы)
3-орын Нұрғалиев Аңсаған (Науырзым ауданы)
Арнайы сыйлық: Сұлтанов Әділхан (Федоров ауданы) иеленді.

Алтын орданың 750 жылдығы және Алтынсарин ауданының 35 жылдығына орай өткен «Алтын Орда – өткеніміз бір, болашағымыз бір» атты облыстық байқауында «Күйшілік өнер» аталымы бойынша жүлделі 1 орынды Амангелді ауданынан Ақжол Нұрланұлы, ІІ орынды Сарыкөл ауданынан Сейдахметов Абай, ІІІ орынды Меңдіқара ауданынан Қожасағиев Байдос иеленді.

Қостанай облысы бойынша «Күйшілер Одағының» мүшесі Д.Қалқаев облысымызда күйшілік өнерді дамыту барысындағы атқарылған іс-шаралар жөнінде айтып өтті. Отырысқа 11 облыстан күйшілік өнер өкілдері қатысты.