Бүгін «Облыстық көркемөнерпаздардың халық шығармашылығы мен кинобейнеқор орталығы» КМҚК ұйымдастыруымен Қостанай облысы  композиторларының бірінші жиналысы өтті. Жиналыстың мақсаты көркемдік кеңес құру және 2020 жылға жоспарланған іс-шараларды талқылау, сонымен қатар, жылына екі мәрте концерт ұйымдастыру, жас композиторларға семинар, шеберлік сағаттарын өткізу, жаңадан шыққан әндерді насихаттап телеарналарға, радиоға шығару. 

Жиналыстың модераторы облыстық көркемөнерпаздардың халық шығармашылығы мен кинобейнеқор орталығының басшысы, композитор - Дәмер Қалқаев, сонымен қатар, жиынға Деріпсалдин Қалибек, Мұқашев Бақытжан, Досжанов Амангелді, Баймусин Қажымұрат, Мұқатов Азамат және жас композитор Оспанов Бағдат қатысты. Жиын барысында көркемдік кеңестің жетекшісін тағайындады, жетекші болып Е.Өмірзақов атындағы облыстық филармониясының әншісі, композитор - Мұқатов Азамат сайланды. Сонымен қатар, көмекшісі және аудандық композиторлармен жұмыс жасау мақсатында Алтынсарин аудандық мәдениет үйінің директоры м.а. Оспанов Бағдат сайланды. Жиын соңында бастау алған іске Бақытжан ағамыз сәттілік тілеп, батасын берді.