27 қараша күні Амангелді ауданы Қ.Әбенов атындағы мәдениет үйінде "Мәдениет - халықтың алтын діңгегі" атты мәдениет қызметкерлеріне арналған семинар өтті

Портал туралы Орталық туралы Халықтық ұжымдар МҰ сайттары Сұхбат Галерея Шабыт қанатында Біз БАҚ-та Сұрақ-жауап

ҚОСТАНАЙ ОБЛЫСЫНЫҢМӘДЕНИЕТ ҮЙЛЕРІНІҢАҚПАРАТТЫҚ ПОРТАЛЫ

Қостанай облысы әкімдігінің мәдениет басқармасының

🌐 culture_qostanai 🇰🇿

БАСТЫ ОҚИҒАЛАРДЫҢ КАЛЕЙДОСҚОПЫ БАЙҚАУЛАР МЕН ФЕСТИВАЛЬДАР ШЕБЕРЛІК СЫНЫПТАРЫ ӘДІСТІМЕЛІК ЖИНАҚ БАЙҚАУЛАР ЕРЕЖЕЛЕРІ ІС-ШАРАЛАР АНОНСТАРЫ

Семинарлар, кездесулер, конференциялар

27 қараша күні Амангелді ауданы Қ.Әбенов атындағы мәдениет үйінде "Мәдениет - халықтың алтын діңгегі" атты мәдениет қызметкерлеріне арналған семинар өтті

28.11.2019

2943

Амангелді ауданы мәдениет үйінің директоры Қылдыбаев Олжас Жұмабайұлы семинарға қатысушыларды мәдениет үйінің арнайы жабдықталған дыбыс жазу, би, вокал, әдістемелік кабинеттері, сахналық киім сақтайтын орындарымен таныстырды.

Амангелді ауданының мәдениеті мен өнеріне арналған "Ел іші - өнер кеніші" тақырыбындағы көрме Амангелді ауданы әкімінің орынбасары Сүндет Жолдыбекұлы Ғаниевтың құттықтау сөзімен ашылды.

"Шеберлік шыңында" дөңгелек столда сөз алған Облыстық көркемөнерпаздардың халық шығармашылығы мен кинобейне қор орталығының басшысы Қалқаев Дәмір Елтайұлы мәдениет пен өнердегі өзекті мәселелерге тоқталып, өнерпаздардың халық алдында сапалы өнер көрсетуі үшін қандай іс-шаралар ұйымдастырылуы қажет екенін айта келе, алдағы уақытта кәсіби мамандармен вокал, би, дәстүрлі ән бойынша шеберлік сағаттары өтілетіні жөнінде айтып өтті.

Осы орталықтың әдіскері Жармағанбетова Жаңагүл Рахымжанқызы жылдық есеп құрастыруға арналған әдістемелік ұсынымдар жөнінде айтып, кеңес берді. Амангелді ауданының мәдениет және тілдерді дамыту бөлімінің басшысы Сейдин Сағынғали Зәкірұлы Амангелді аудандық мәдениет үйінің халыққа қызмет етудегі жетістіктерімен қатар, алдағы уақытта жаңашыл бағытта даму жоспарлары мен заманауи музыкалық құрылғылармен жабдықталу мәселелеріне тоқталды.

Мәдениет үйінің әдістемелік кабинетінің меңгерушісі Мизамбаева Лиза Таутанқызы өзінің авторлық "Түйме қыз", "Ер Тарғын", "Ер төстік" өнер байқауларының ұйымдастырылу әдістемелік жұмыстарымен таныстырып, Жастар жылына орайластырылған "Жұлдыз LIFE" - атты аудандық сазды-танымдық сайыс және "Жалындаған жастар - өнер айдынында" өнерлі жастардың шоу концерті бағдарламаларының әдістемелік нұсқаларын таратты.

Мәдениет үйінің көркемдік жетекшісі И.Б.Арбабаева концерттік бағдарлама ұйымдастыру, өткізу жөнінде өз тәжірибесімен бөлісті.

Амантоғай аудандық мәдениет үйінің әдіскері А.Ж.Әмірғазин ( LED - экран арқылы) "Ауылым - алтын бесігім" атты тақырыпта өзі ұйымдастырған мәдени іс-шараларды көрсетіп, іс-тәжірибесін ортаға салды.

Келген қонақтармен Амангелді аудандық мемориалдық мұражайына саяхат жасалды. Одан кейін Жастар жылына арналған "Жалындаған жастар - өнер айдынында" атты шоу бағдалама көрсетілді.

Семинар соңында Облыстық көркемөнерпаздардың халық шығармашылығы мен кинобейнеқор орталығының басшысы Қалқаев Дәмір Елтайұлы Қостанай облысы аудан, қалаларынан келген мәдениет қызметкерлеріне семинарға қатысқаны жөнінде сертификаттарды табыстап, семинардың ұйымдастырушысы Мизамбаева Лиза Таутанқызы мен осы ауданның мәдени дамуына үлес қосып жүрген қызметкерлерді алғыс хатпен марапаттады.

Қонақтарға күрделі жөндеуден өткен, талапқа сай жабдықталған Есір ауылдық клубы таныстырылды. Клуб меңгерушісі Ізтелеуов Балтасар Тұрысбекұлы кітапхана қызметі мен өзі жетекшілік ететін ақындар мектебінің жетістігі, клубтың әдістемелік жұмысы жөнінде жиналғандарға айтып берді.

Аймақтық "Мәдениет - халықтың алтын діңгегі" атты мәдениет қызметкерлеріне арналған семинар жоғары дәрежеде өтті.

Мәдениет үйінің директоры Қылдыбаев Олжас Жұмабайұлына, семинарды ұйымдастырушы, мәдениет үйінің әдістемелік кабинетінің меңгерушісі Мизамбаева Лиза Таутанқызына, ұжымға шығармашылық табыс тілейміз.