View this post on Instagram

 

 

 

 

 

 

 

 

 

 

 

 

Сапар аясында қонақтар «Аян-Озат» ЖШС-нің бас директоры Валерий Розумовичпен кездесті. Кәсіпорын ауылдық клубқа елеулі қолдау көрсетіп келеді. Осындай демеушіліктің арқасында шығармашылық ұжымдар қарқынды дамып, аудандық, облыстық, республикалық байқаулар мен фестивальдерге қатысып жүр. Ал ауыл тұрғындары өз таланттарын шыңдап, өнерге деген қызығушылықтарын жүзеге асыруға мүмкіндік алуда.

 

Бүгінде Жуков ауылдық клубында көптеген үйірмелер мен шығармашылық ұжымдар жұмыс істейді. Мұнда әр тұрғын өз қалауына сай бағыт таба алады — вокал, хореография, сәндік-қолданбалы өнер және өзге де шығармашылық салалар бойынша тұрақты сабақтар ұйымдастырылған. 

 

Клуб ауылдың мәдени өмірінің орталығына айналып отыр.

Клубтың мәдени ұйымдастырушысы Жанна Таласпаева атқарылған жұмыстар, ұжымдардың жетістіктері және алдағы жоспарлар туралы баяндады. Алда мерекелік шараларға толы кезең күтіп тұр.

 

 Қазіргі уақытта Халықаралық әйелдер күні — 8 наурыз мерекесіне және Наурыз мейрамына дайындық қызу жүргізілуде.

Жуков ауылдық клубы шығармашылықты дамыту, халықтық дәстүрлерді сақтау және ауыл тұрғындарының бос уақытын тиімді ұйымдастыру бағытында өз жұмысын жүйелі түрде жалғастырып келеді.