Қонақтар алдымен орталық музейімен танысып, халық шығармашылығы бөлімінің әдіскері Жансая Баянова мекеменің тарихы мен негізгі бағыттары жөнінде кеңінен мәлімет берді. Сондай-ақ, мекеме директорының уақытша міндетін атқарушы Арман Базаров пен көркемдік, креативті және техникалық жұмысты қамтамасыз ету бөлімінің басшысы Абдул Рахметов бөлімдердің қызмет бағыттарын жан-жақты таныстырып, бөлім басшылары қазіргі таңда атқарылып жатқан маңызды жұмыстарға тоқталды.

 

✨ Іссапар бағдарламасы мәжіліс залында жалғасын тауып, орталықтың көркемдік жетекшісі Аққу Самигуллина мекеменің тарихы, шығармашылығы, жүзеге асырылып жатқан жобалары, қол жеткізген жетістіктері, сондай-ақ алдағы жоспарлары мен тың бастамалары туралы жан-жақты баяндады.

Қорытындысында мекеме директорының уақытша міндетін атқарушы Арман Базаров қонақтарға алғыс хат пен естелік сыйлық табыс етіп, жылы лебізін жеткізді.

 

💫 Сапар соңында өткен бұл тағылымды жүздесу рухани саладағы өзара ықпалдастықты одан әрі тереңдетіп, тәжірибе мен идея алмасуға жаңа серпін берді.