Облыстық халық шығармашылығы орталығының мамандары екі күн бойы "Зерделеу" бағдарламасы аясында Қарасу ауданының сегіз ауылында болып, ауылдық клубтарды аралап, жергілікті шығармашылық ұжымдармен және ауыл халқымен кездесті
Орталық басшысы Дәмір Қалқаев ауданда мәдени ошақтардың сақталып, барынша жұмыс істеп жатқанын тілге тиек етті. Бұл, әрине, қуанарлық жағдай.
Бүгін Орталықтан барған делегация аудандық мәдениет және тілдерді дамыту бөліміне және аудандық "Достық" мәдениет үйіне барды. Бөлім басшысы Гүлнар Молдашева мен маман Бибігүл Баженова құжаттамалардың қалай жүргізіліп жатқанын тексерді. Бағыт бағдар беріп, ұсыныстарын қосты. Орталық маманы Қуаныш Жәркенов аудандық мәдениет үйінің хореографиялық ұжымы үшін шеберлік сабағын өткізді.
Сондай-ақ, бүгін облыстық көркемөнерпаздардың халық шығармашылығы және кинобейнеқор орталығы мен аудандық мәдениет және тілдерді дамыту бөлімі біріге отырып ауданның мәдениет саласы қызметкерлерінің қатысуымен дөңгелек үстел өткізді. Іс-шара барысында аудан мәдениетін дамытудың өзекті мәселелері, шығармашылық жоспарлары талқыланды.
Сондай-ақ, 2023 жылдың өткен кезеңіндегі жұмыстар қорытындыланды. Қарасу ауданының Мәдениет саласының үздік қызметкерлеріне халық шығармашылығы орталығының атынан Алғыс хаттар табысталды. Жалпы ауданда мәдениет саласының материалдық-техникалық базасы толыға түскен. Аудан басшылығы қажетті құрал-жабдықтар мен құрылғыларды сатып алған. "KPI" бағдарламасы да ойдағыдай жүзеге асуда, жоспарға сай көшпелі концерттер өтуде. Мысалы, осы аптада ауданның шығармашылық ұжымдары Алтынсарин ауданына гастрольдік сапармен барды. Биыл концерттік бағдарламамен облыстың өзге де аудандары мен қалаларында болды.
Бүгін облыстық көркемөнерпаздардың халық шығармашылығы және кинобейнеқор орталығының басшысы Д.Қалқаев бастаған делегацияны аудан әкімінің орынбасары Эльдар Мұқанов қабылдап, ризашылығын білдіріп, аудандық әкімдік мәдениет саласы мен барлық шығармашылық бастамаларды қолдайтынын жеткізді.
Д. Қалқаев аудандық мәдениет бөлімінің барлық қызметкерлеріне, атап айтқанда аудандық мәдениет және тілдерді дамыту бөлімінің басшысы Серік Сейітовке, "Достық" аудандық мәдениет үйінің басшысы міндетін атқарушы Айна Тикен.
#ГидПоКазахстану
