Бүгін, 30 наурыз күні Облыстық көркемөнерпаздардың халық шығармашылығы мен кинобейнеқор орталығының Қостанай облыстық Композиторлар одағымен бірлесіп ұйымдастыруымен, Қостанай қаласындағы Жастар сарайында өңір композиторларының шеберлігін шыңдауға арналған "Сиқырлы саз" атты шеберлік сағаты өтті.
Жиын басында облыстық өркемөнерпаздардың халық шығармашылығы мен кинобейнеқор орталығының басшысы, композитор Дәмер Елтайұлы Қалқаев құттықтау сөз сөйлеп, композиторларға куәліктерін табыстады. Атап айтқанда, куәлік және төсбелгі Б.Сәуекенов, Б.Мұқашев, С.Кобызев, Б.Молдашев, А.Абдрахиев және 65 жас мерейтойы қарсаңында М.Шығанбайға берілді.
Шеберлік сағатын Нұрсұлтан қаласының "ММ" өнер-білім орталығының музыкалық директоры, әнші, кәсіби композитор Азамат Есенғазыұлы Абдрахиев өткізді.
Астаналық мейман өңіріміздің әуесқой композиторларының шеберлігін шыңдау үшін көптеген материал беріліп, ән жазу кезінде ескерілуі тиіс қажеттіліктер, ақыл-кеңестер және т.б. маңызды ақпараттармен бөлісті.
Сазгерлердің келелі жиынының соңында Дәмер Елтайұлы мен Композиторлар одағының төрағасы Мұқатов Азамат Қабжәлелұлы барлық композиторды шеберлік сағатына қатысқанын растайтын сертификаттармен марапаттады.
Іс-шара соңы жергілікті композиторлардың ән-шашуымен аяқталды.
