Ыбырай Алтынсариннің 180 жылдығына арналған «Жас тұлпар» облыстық оқушылар айтысының қатысушыларына арналған «Тобыл-Торғай ақындары» шеберлік сағатының ақпараты
Қостанай облысы әкімдігі мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК ұйымдастыруымен 2021 жылдың 15 сәуір күні Қостанай ауданы, Тобыл қаласы «Алтын дән» мәдениет үйінде «Шаңырақ» Ұлттық өнер орталығының алғашқы іс-шарасы «Жас тұлпар» облыстық оқушылар айтысының қатысушылары үшін «Тобыл-Торғай ақындары» тақырыбында шеберлік сағаты өтті.
Шеберлік сағатының мақсаты: оқушыларға Тобыл-Торғай ақындарының айтыс өнеріне қосқан үлесі жөнінде кеңінен мағлұмат беру, оқушы ақындардың суырыпсалмалық, орындаушылық шеберлігін арттыру.
Шеберлік сағатын «Құрмет» орденінің иегері, ҚР Мәдениет саласының үздігі, айтыс ақтаңгері Айбек Киікбайұлы Қалиев жүргізді. Іс-шара барысында қатысушылар «Шаңырақ» ұлттық өнер орталығымен танысты.
Шеберлік сағатына Қостанай қаласынан Ы.Алтынсарин атындағы мамандандырылған мектеп-интернатынан, Амангелді, Бейімбет Майлин, Жангелдин, Жітіқара, Қарабалық аудандары мен Рудный, Арқалық қалаларының оқушы ақындары мен жетекшілері қатысты. Қатысқандар – 30 адам.
Құрметті өнер сүйер қауым ертең 16 сәуір сағат 10.00-де Қостанай ауданы, Тобыл қаласының «Алтын дән» мәдениет үйінде ҚР Тәуелсіздігінің 30 жылдығы қарсаңында қазақтың аса көрнекті ағартушы-педагогы, жазушы, этнограф, қоғам қайраткері Ыбырай Алтынсариннің 180 жылдығына арналған «Жас тұлпар» облыстық оқушылар айтысына шақырамыз.
