Қазақстанның еңбек сіңірген мәдениет қызметкері Бақытжан Сәуекенов – 70 жаста! Кезінде «Ғасырлар пернесі» этнографиялық ансамблімен әлемнің бірнеше елін аралап, ұлт өнерін паш еткен білікті музыкант, халыққа қалтқысыз қызмет етіп келеді. Меңдіқара аудандық мәдениет үйінде композитордың «Өнерім-Өмірім» атты шығармашылық кеші өтті. Концертке танымал эстрада жұлдыздары қатысып, әндерін шырқады. Сондай-ақ, мерейтой иесінің жаңа кітабының тұсауы кесілді.
Жүректі ән тербейді» жаңа жинақ. 55 жыл сахнаға жүрген сазгер 80-ге жуық ән жазды. Соның таңдаулылары осы кітапқа топтастырылған. Торғайда туған тұлға Меңдіқара ауданының мәдениетінің дамуына зор үлес қосты. Өңір өнеріне жаңа серпін әкелді:
Бақытжан Сәуекеновтің Меңдіқарада еңбек етіп келе жатқанына 20 жылға жуықтады. Мұнда ол аудандық мәдениет үйі жанынан «Домбыра сазы» ұлт аспаптарын ансамблін жасақтады. Жастарды тәрбиеледі. Зейнетке шыққасын да қызметтен қол үзбей, «әжелер» ансамблін құрды.
Композитордың әндері кең байтақ Қазақстанды шарлап жүр. Туған жер, Отан, махаббат, достық тақырыбындағы туындаларын көрерменін өзіндік өрнегімен баурап келеді.
Шығармашылық кеште композиторге облыс әкімінің алғыс хаты табысталды. Сондай-ақ, жергілікті әкімдік өкілдері Бақытжан Сәуекеновке Меңдіқара ауданының «құрметті азаматы» мәртебелі атағын беру туралы ұсыныстың қаралып жатқанын жеткізді.
Назгүл Шабдарова
