Жыр-жарысқа өңірдің әр түкпірінен ұзын саны 18 ақын тіркеліп отыр.

 

«Қостанай таңы» газетінің төл жобасы биыл Ыбырай Алтынсариннің 185, Жамбыл Жабаевтың 180, Әлихан Бөкейханның 160, Мәриям Хакімжанованың 120, Кеңшілік Мырзабековтің 80 жылдығына арналады. Жазба айтыс жарияланған сәттен бастап, өлең бәйгесінде бақ сынауға ниет білдірген ақындар аз болмады. Араларында осы кезге дейінгі додаларда өнер көрсеткен тәжірибелі ақындар да, желкілдеп өскен жас буын, жаңа есімдер де бар.

Олай болса, жыр бәсекесіне бел буған ақындармен таныстыра кетейік: Бағила Балмашева, Батырлан Сағынтаев, Нұрсаят Құсайынов, Думан Елубай (Арқалық қаласы), Еламан Тұрсын, Нұрислам Рағат, Ернұр Әуезхан (Амангелді ауданы), Злиха Кенжеғозина, Амандәулет Манатұлы, Таңжарық Ниязбек, Нұртілек Әубәкір (Жангелдин ауданы), Бақытжан Әлкебай, Ерназар Қолғанатұлы, Нұрқанат Бұқабаев, Бейбіт Нұрмұхан (Қостанай қаласы), Әсет Ақылжан, Нағашыбай Ақылжан (Қамысты ауданы), Серікболсын Әбікен (Алтынсарин ауданы) бәйгеге түседі. Ел тұшынып оқитын тамаша тартыс болады деп сенеміз! Шын жүйріктерді көмбе басынан күтеміз!

 

Айта кетейік, жазба айтысты ата басылыммен қоса AMANAT партиясы жанындағы Miras кеңесі және Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК бірлесе ұйымдастырып отыр.