Камал апайды ел ең алдымен аудармашы ретінде жақсы біледі. Ілеспе аударманың теориясын жасап, тіліміздің шырайын шығарып жүрген аудармашы. «Мәдени мұра» бағдарламасы бойынша шығарылған «Әлемдік саясаттану антологиясында» грек ойшылдары Демокриттің, Аристотельдің, Платонның, Сократтың, батыс ойшылдары Бенедикт Спинозаның, Джон Локктың, Паскаль Блездің жекелеген еңбектерін аударған.

 

«Қыз өссе, ұл есейсе», «Жапырақтары жанымның», «Мағыналас мақал-мәтелдердің, қанатты сөздердің қазақша-орысша сөздігі» атты кітаптарының авторы.

 

Кеш барысында жазушы Әбутәліп Әмір ақын туралы естелігімен бөлісіп, құттықтау сөз сөйледі. Замандас, қатарлас жүрген қаламгердің рухани болмысы хақында баяндады. Сон-айқ, Камал Әбілқасымқызының шығармашылығы мен адамдық болмысына тоқталып, қазақ әдебиетіне сіңірген еңбегін ерекше атап өтті.

 

Кездесуде шайыр сөзіне жазылған әндер шырқалып, өлеңдер оқылды. Сонымен қатар, қаламгердің поэзиялық жинақтары мен еңбектері, аударма саласындағы туындылары қамтылған «Өрнекті сөз, көрнекті ойдың шебері» атты кітап көрмесі ұйымдастырылды.