QOSTANAI TAŃY: Елордалықтар торғайлық ақынға құрмет көрсетті

Бүгін Халықаралық «Алаш» әдеби сыйлығының лауреаты, көрнекті ақын Серік Тұрғынбекұлы 80 жасқа толды.

Осыған орай Астана қаласы әкімінің орынбасары Есет Бәйкен, Қазақстан Жазушылар одағы Астана филиалының директоры, ақын Бауыржан Бабажанұлы, Тілдерді дамыту және архив ісі басқармасының басшысы Сәкен Есіркеп, басқарма қызметкері Шыңғыс Жапсарбай, филармония басшысы Мәди Тайпин мерейтой иесін құттықтап барды.

“Есет Берікұлы қала әкімі Жеңіс Қасымбектің ыстық ықыласқа толы құттықтауын табыстап, ақынның иығына шапан жапты. Бүгін ағамыздың шаңырағы құттықтаушылардан бір сәтке де босаған жоқ. Біз кетуге жиналған тұста белгілі қаламгер Қайсар Әлім де ізгі тілегін жеткізе келді. Сыртта Марғұлан Оспанов пен Айтуар Зейнолла бастаған торғайлық азаматтарды жолықтырдық. Олар да ақын ағасын арнайы құттықтап келіпті”, – деп жазды ол туралы қаламдас жерлесі Мұхарбек Жәкейұлы @mukhar1974

Алла қаласа, 4 наурыз күні Ұлттық кітапхана Серік ағамен кездесу өткізбек. Сондай-ақ Астана қаласы әкімдігі мамыр айында ақынның сөзіне жазылған әндерден концерт ұйымдастыруды жоспарлап отыр. Ақын тойы маусым айында Қостанай, Арқалық, Амангелді, Торғай, Ақшығанақ өңірлерінде жалғасын таппақ.

Биыл Серік ағамыздың кітабы Мемлекеттік сыйлыққа ұсынылып жатыр. Бәйгеден озып, абырой биігінен көріне берсін деп тілейміз.

QOSTANAI TAŃY