Аталған байқауға қала және қалаға қарасты ауылдардан барлығы 11 жұп қатысып, сахнада өздерінің вокалдық мүмкіндіктерін, сахналық мәдениетін және шығармашылық шеберліктерін паш етті. Қатысушылар түрлі жанрдағы әндерді орындап, көрермендерге әсерлі музыкалық кеш сыйлады.
Қаланың зиялы өкілдерінен құрамдалған қазылар алқасы жұлдызды жұптардың дауыс мүмкіндігін, әнді орындау техникасын, сахнада өзін-өзі ұстау мәдениетін, артистизмін және көркемдік деңгейін ынта қойып, безбендеп бағалады. Байқау барысында өнер бәйгесіне қатысушылар кәсіби дайындығы мен музыкалық талғамы мен сахналық бейнесін еркін таныта білді.
Көрермендер тарапынан үлкен қолдау көрсетіліп, әр жұптың өнеріне ыстық ықыласпен қошеметеді.
Арқалықтағы Б.Байқадамов атындағы музыка мектебінің ұстаздары Олжас Қапан мен Серікболсын Балахмет Мәдениет сарайында ұйымдастырылған ән байқауының жеңімпазы атанды.
Байқаудың ұстанымы – өнерлі жастар мен талантты жұптарды анықтау, вокалдық өнерді дамыту, шығармашылық әлеуетті арттыру және қала тұрғындарына рухани-мәдени демалыс сыйлау.
Байқау соңында үздік өнер көрсеткен жұптар арнайы дипломдармен және алғыс хаттармен марапатталды.
«Бұл іс — шара қалалық мәдениет сарайының ұйытқы болуымен өтіп отыр. Ерекше байқауда өнерлері мен өмірлерін тоғыстырған ерлі-зайыпты жастар және бір ұжымда еңбек ететін мамандар, сондай — ақ әні мен сәні үйлескен өзге де өнерпаздар бақтарын сынады. Жалпы алғанда «Жұлдыздар бірге жарқырайды» ән байқауы қаладағы мәдени өмірді жандандырып, талантты орындаушылардың шығармашылық жолына серпін берген тағылымды әрі әсерлі іс — шара болды деп еркін айта аламыз», – дейді кештің өтуіне мұрындық болған жастар көшбасшыларының бірі Мейрамбек Бейсенбек.
