🖋️ «Ақбота» – бұл тек би ансамблі ғана емес. Бұл – бір отбасы, бір мектеп, бір тағдыр және уақыт бедерінде қаланған өшпес із. Әр қадамы – еңбекпен, әр қозғалысы – маңдай термен, әр жетістігі – табандылық пен үздіксіз ізденіспен өрілген үлкен жол.

 

🖋️ «Ақбота» халық би ансамблі 1997 жылы құрылған. 29 жылдық тарихында өнерге адал қызмет етіп, 2006 жылы «халық» атағына ие болды. Осы уақыт аралығында ансамбль сахна төрінде ғана емес, талай шәкірттің жүрегінде өнерге деген махаббаттың ұрығын септі. Қаншама дарынды жас тәрбиеленіп, үлкен өмірге қанат қақты.

 

🖋️ Әр мамандықтың, әр өнердің өзіндік жолы бар. Ал қаламыздың мақтанышы саналатын «Ақбота» халық би ансамблінің жолы – мағыналы еңбекпен, тынбай ізденумен, биік мақсат пен табандылыққа негізделген даңғыл жол. Бұл – ұрпақтан ұрпаққа жалғасқан рухани мұра.

 

🖋️ Ансамбльдің негізін қалаушы – өнерге жан-тәнімен берілген, би саласының дамуына өлшеусіз үлес қосқан өз ісінің шебері Ерсін Жүсіпұлы.

 

🖋️ Сондай-ақ, ансамбльдің қалыптасуы мен дамуына зор үлес қосып жүрген Зайко Ирина Григорьевна, Балғынбаева Әйгерім Мейрамбекқызы, Кенжегарина Қымбат Әділбекқызы сынды білікті мамандардың еңбегін ерекше атап өткен жөн.

 

🖋️ Бүгінгі таңда «Ақбота» халық би ансамблінің шығармашылық жолын жалғап, оның өнердегі өшпес ізін тереңдете түсіп жүрген жетекшісі – Ембергенова Аружан Сәрсенқызы. Оның еңбегі, ізденісі мен шығармашылық көзқарасы ансамбльдің жаңа белестерді бағындыруына жол ашуда.

 

🖋️ «ІЗ» атты жылдық есеп беру кеші – өткенге тағзым, бүгінге баға, болашаққа сенім. Бұл кеш – би арқылы тарих сөйлеп, жүректер үндесетін, өнердің мәңгілік екенін дәлелдейтін ерекше рухани кеш.