Ал аптаның соңында Міржақып Дулатұлының 140 жылдығына байланысты Торғай жерінде той өтті. Қостанай қаласында ескерткіші ашылды.

 

«Міржақып» дегенде қалың көпшіліктің ойына не оралады? Әрине, «Оян, қазақ!» Өлеңнің өзі және Міржақып жолы туралы Qazaqstan арнасы түсірген «Міржақып. Оян, қазақ!» сериалы һәм фильмі.

 

«Біз басымызға түскен таршылықты бұрынғы бабаларымыздан көретін едік. Солар біздің қамымызды жеген болса, біз мұндай қорлықта, тарлықта жүрмес едік деуші едік. Кейінгі буынның ата-бабасы – бүгінгі тірі жүрген біздер. Біз келешекті ойламасақ, кейінгі нәсіліміз бізді қарғамай ма?» – деген Міржақып Дулатұлы бар қабілетін қазақтың азаттығы жолына жұмсап, сол ұлы мақсатқа бар ғұмырын сарп еткен күрескер.

 

Абай - ұлт санасында рухани серпіліс жасаса, Әлихан, Ахмет, Міржақыптар саяси серпіліс жасады.