Міржақып мерейтойына арналып Оян, қазақ» облыстық мүшәйрасы да жарияланған еді. Жүлдегерлер Торғай төрінде марапатталды.
Ақындар бәйгесін облыстық Мәдениет басқармасы мен Қазақстан Жазушылар одағының Қостанайдағы қосыны ұйымдастырды.
Мүшәйраға облыстың әр түкпірінен 35 ақын өлеңдерін жолдады. Әуелде жүлде қоры 1,5 млн теңге болып, үздік жеті ақынға 200 мың теңгеден беріледі делінген. Кейін демеушілер табыла кетіп, жүлдегерлер саны онға дейін көбейтілді.
Осылайша, үздік жетілік сапына еніп, 200 мың теңге жүлде алғандар: Нұрқанат Құлабаев, Абылай Мауданов, Аслан Қанғожин, Жандос Жүсіпбек, Батырлан Сағынтаев, Салтанат Өтелбаева, Марғұлан Оспанов.
«Қостанай таңы» газетінің арнаулы жүлдесі Данияр Сәдуақасов пен Бағила Балмашеваға берілді (100 мың теңгеден).
Зейнолла Сәнік атындағы арнаулы жүлде Нағашыбай Қабылбекке бұйырды.
Толық ақпаратты және жүлдегер өлеңдерді газеттің алдағы санынан оқи аласыздар.
