Мемлекет басшысы Қасым-Жомарт Тоқаевтың Ұлттық домбыра күніне арналған құттықтауы – ел руханиятына, ұлттық болмысымызға ерекше мән беріп отырғанын тағы бір мәрте айқын көрсетті. Президент домбыраны «күй қонған киелі мұра, халқымыздың жан серігі» деп сипаттап, бұл аспаптың ұлт жадындағы орнына айрықша тоқталды. Расында да, домбыра – ұрпақтан ұрпаққа жалғасқан қазақтың қастерлі үні, тұтас бір өркениеттің сарыны.
Қостанай облысында да ұлттық аспапты ұлықтау бағытында бірқатар мазмұнды бастамалар жүйелі түрде ұйымдастырылып келеді. Өңір мектептерінде домбыра үйірмелерінің ауқымы кеңейіп, өнер мектептері мен мәдениет үйлерінде күйшілік дәстүр жаңғыруда. Мәдениет басқармасы мен өнер ұжымдарының бастамасымен халық күйлері насихатталатын концерттер, шеберлік сабақтары, челлендждер жиі өткізіледі.
Айрықша атап өтерлік оқиға – Аманкелді ауданындағы мың домбырашының қатысуымен өткен ауқымды күй тарту іс-шарасы. Бұл әсерлі көрініс 2020 жылы ресми түрде Гиннес рекордтар кітабына енді. Тың бастаманы ауданның ұстаздары, оқушылары, өнерпаздары үлкен жауапкершілікпен жүзеге асырған еді. Бұл – Қостанай өңірінің ғана емес, күллі қазақ халқының мәртебесін асырған айтулы жетістік.
Биыл, 5 маусымнан бастап, Ұлттық домбыра күніне арналған айлығымызды өткіздік. «Күмбірле, қоңыр домбыра» облыстық байқауы ұйымдастарылды.
Домбыра – бабалар аманаты, болашаққа жол көрсететін шамшырақ. Ұлттық домбыра күні сол шамшырақтың жарығын бәрімізге ортақ етуге үндейтін мереке. Президент айтқандай, оны қастерлеу – барша қоғамның, әсіресе жас ұрпақтың парызы. Осы рухтағы жұмыстар Қостанай жұртшылығы арасында лайықты жалғасын таба бермек.
Дәмер ҚАЛҚАЕВ,
облыстық көркемөнерпаздардың
халық шығармашылығы мен
