#REPOST @qostanai_tany Ілияс Омаров атындағы облыстық қазақ драма театрында жерлесіміз, тақтақ ақын Нұржан Наушабайұлы атындағы «Арқада Наушабайдың Нұржаны өткен…» республикалық жыр-терме, дәстүрлі ән орындаушылар фестивалі өтті
#REPOST @qostanai_tany
Ілияс Омаров атындағы облыстық қазақ драма театрында жерлесіміз, тақтақ ақын Нұржан Наушабайұлы атындағы «Арқада Наушабайдың Нұржаны өткен…» республикалық жыр-терме, дәстүрлі ән орындаушылар фестивалі өтті. Өнер кеші еліміздің әр өңірінің 5 мектебінен келген 8 өнерпаз, танымал таланттардың басын қосты.
Өңірімізде бұған дейін 3 рет байқау ретінде өтіп, 50-ден астам жыршылар қатысса, биыл ұйымдастыру комитеті мен тұрақты қазылар алқасының ортақ шешімімен фестиваль болып өз жалғасын тапты. Фестивальдің ашылуында облыс әкімінің орынбасары Ринат Мұхаметқали келіп, ақ тілегін білдіріп, құттықтады.
«Тобыл-Торғай төрінде жыл сайын дәстүрлі түрде жыр шеруі өтуі заңдылық. Белгілі жырау Алмасбек Алматов ағамыз бастап, жырдан маржан шашуға келген бір топ жыршы, термешілерге астықты өлке Қостанайға қош келдіңіздер демекпін», –деп баршаға сәттілік тіледі.
Жыршылар екі шығарма орындаса, оның 1-шісі Н.Наушабайұлының шығармасы, 2-шісі өз мектебінің бір әні болуы басты талап болатын.
Сонымен қатар Жетісу мектебінің өкілі Ерболат Шалдыбеков, Ақтөбе қаласынан, батыс аймағының махамдарын насихаттаушы, «Ер Едіге» жыр мектебінің ұстазы Әділбек Сарин, 2019 жылы өткен байқауда жеңімпазы атанған Фархат Жәкіш және 2021 жылғы байқаудың жеңімпазы Мәлика Алдамжарова да арнайы келіп, жыр-термелерін әуелетті.
Тобыл-Торғай өңірінен екі өнерпаз шыққан болатын.
Оның бірі ардагер жыршы – Монтай Өтепбаев, 2-шісі республикалық термешілер байқауының жүлдегері – Абзал Алпыс.
#ГидПоКазахстану
