«Ән аға-Шәмші аға»

Елубай Өмірзақов атындағы аудандық мәдениет үйінде белгілі композитор, Қазақстанның Халық әртісі, ҚР Мемлекеттік сыйлығының лауреаты Шәмші Қалдаяқовтың құрметіне арналған "Ән аға-Шәмші аға" атты шығармашылық кеш өтті. Іс – шара" Рухани жаңғыру" бағдарламасы және Қазақстан Республикасы Тәуелсіздігінің 30 жылдығы аясында өтті. Шәмші Қалдаяқов көзі тірісінде қазақ вальсінің патшасы атанған ұлы тұлға. Оның музыкасы өзінің шынайылығымен көрермен жүрегін баяғыда баулап алған.
Концертте "Арыс жағасында", "Ана туралы жыр", "Кешікпей келем деп ең", "Сыған серенадасы", "Бақыт құшағында"атты қазақстандықтар көптен бері сүйетін және жиі орындайтын әндер шырқалды.
- Ұлы маэстро туралы естелік оның әрбір өлмес шығармасында өмір сүреді. Оның әндерін кәрі де, жас та біледі. Оларды тыңдай отырып, біздің жанымыз қуанады. Композитор қалдырған рухани мұра біздің халқымыз үшін ерекше құндылыққа ие, – деп қорытындылады концертті ұйымдастырушы Марат Шоңғалов. Айта кету керек, іс-шара карантиндік талаптарды сақтай отырып, маскалық режимде 30 пайыздық сыйымдылықпен ғана өтті.