1 қазан күні аудандық Мәдениет үйінде Қарттар күніне арналған мерекелік концерт өтті.                                              Бұл күн — өмір жолы өнегеге толы, ел игілігі үшін ұзақ жылдар бойы еңбек еткен, отбасына қамқор болып, туған өлкенің дамуына зор үлес қосқан аға буынға шынайы алғысымызды білдіретін ерекше мүмкіндік.       Шараның басында аудан әкімі Қайсар Мыржақыпов ардақты ардагерлер мен қонақтарды мерекемен құттықтады.                                      Мерекелік бағдарламаның ерекше бөлімі — марапаттау рәсімі болды. Белсенді өмірлік ұстанымы, салауатты және белсенді өмір салтын ұстанғаны, қоғамдық өмірге белсене қатысқаны және өмірсүйгіштігі мен жігерінің үлгісін көрсеткені үшін ауданымыздың әр елді мекенінің өкілдеріне аудан әкімінің Алғыс хаттары табысталды.  Құттықтау сөз сөйлеп, ізгі тілегін білдірген аудандық ардагерлер кеңесінің төрайымы Раиса Сергеевна Овчарова болды.                          Мерекелік концерт көрермендерге көтеріңкі көңіл күй мен жылы әсер сыйлады. Сахна төрінде сүйікті әндер мен музыкалық шығармалар орындалып, монологтар, ретро-попурри және көңілді сахналық көріністер ұсынылды. Кеш барысында күлкі мен әзіл де назардан тыс қалмады. Жүргізушілер қонақтарға көңілді интерактивті бағдарлама ұсынып, аға буынның өмірлік тәжірибесі кез келген іздеу жүйесіне дес бермейтінін әзілмен көрсетті.