Биыл Қазақстан халқы Ассамблеясына 30 жыл. Осы атаулы күнге орай мәдениет үйінде дөңгелек үстел ұйымдастырылды.

13 ақпан күні Елубай Өмірзақов атындағы аудандық мәдениет үйі қызметкерлерінің ұйымдастыруымен «Күшіміз – БІРЛІКТЕ!» - «Наша сила в ЕДИНСТВЕ!» дөңгелек үстелі өтті. Іс-шара қатысушылары, яғни ауданның 7 ұлттық мәдени орталығының басшылары, аудандық ардагерлер кеңесінің мүшелері, аудан орталығы мекемелерінің басшылары мен мамандары Ассамблеяның 30 жылдағы жетістіктері туралы атап өтті. Аудандық ардагерлер кеңесінің төрағасы Раиса Овчарова мен мәдениет бөлімінің басшысы Жанат Нугманова өз сөздерінде Қазақстан халқы Ассамблеясы Қазақстанда тұратын барлық этностарды біріктіретін бірегей институт болып табылатынын және бүгінде елімізде азаматтар үшін өз мәдениетін, дәстүрлері мен әдет-ғұрыптарын сақтау үшін барлық жағдайлар мен тең мүмкіндіктер жасалғанын атап өтті. Бейбітшілік, тыныштық пен тұрақтылықтың артында барлық этнос өкілдерінің орасан зор еңбегі жатыр.
Ұлттық мәдени орталықтардың басшылары өз жұмыстары туралы айтып, ұсыныстар енгізді. Сондай-ақ, дөңгелек үстел барысында орталықтардың жұмысына жастар мен ауылдық округ тұрғындарын жұмылдыруға тарту туралы да талқыланды.
Мерейтойлық іс — шаралардың салтанатты бастауы – барша қазақстандықтардың Алғыс айту күні, Ассамблея құрылған күні – 1 наурыз деп белгіленді.