11 қазанда аудандық мәдениет үйінде қазақтың ұмытылған дәстүрлері мен әдет-ғұрыптарының "Көне дәстүр күмбезі" атты байқауы өтті. Іс-шараны мәдениет және тілдерді дамыту бөлімінің мемлекеттік әлеуметтік тапсырысы бойынша "Үміт 2050" қоғамдық қорымен ұйымдастырылды. Байқауға ауданның түрлі ауылдық округтерінен 9 команда қатысты. Командалар құрамында: мәдениет қызметкерлері мен мұғалімдер болды. Жарыс барысында командалар "Бесікке салу", "Қамшы ілу", "Беташар", "Ашамай", "Абысын асы" және т.б. сияқты халықтық әдет-ғұрыптарды көрсетті. Қатысушыларды әділ қазылар алқасы бағалады. 
