Бас қаланың туған күніне

6 шілдеде қазақстандықтар Елордамыздың туған күнін атап өтеді. Биыл қала 26 жасқа толды. Мереке қарсаңында Өмірзақов атындағы аудандық мәдениет үйінде "Елімнің жүрегі - Астана" атты мерекелік концерт өтті. Аудан әкімі Қайсар Мыржақыпов жиналғандарды мерекемен құттықтап, "Бүгінде Астана - біздің халқымыздың мақтанышына айналған, көп ғасырлық тарихы бар әлемнің үлкен қалаларымен бірге тұрған еліміздің ең әдемі қаласы. Оның әдемі және керемет екенін бүкіл әлем мойындайды. Күн сайын өзгеріп, заманауи нысандармен және жаңа көрікті жерлермен толықтырыла отырып, мемлекетіміздің басты қаласы Тәуелсіздікке қол жеткізудің арқасында мүмкін болған ең қымбат ойлардың көрінісіне айналды", - деді Қ. Мыржақыпов. Ауданның әлеуметтік-экономикалық дамуына қосқан үлесі үшін және Астана күніне орай аудан әкімінің алғыс хатымен Тобыл темір жол шекаралық бақылау бөлімшесінің 14 қызметкері марапатталды. Сондай-ақ, мереке қарсаңында "Мерейлі отбасы" ұлттық конкурсының аудандық кезеңіне қатысушылардың 5 отбасы атап өтілді. Конкурска қатысқаны үшін Әйет ауылынын тұрғындары Жұмашевтар, Бердихановтар отбасы және Бимағамбетовтар отбасылары /Белин ауылдық округі/ аудан әкімінің дипломымен марапатталды. Конкурс жеңімпаздарының дипломдарымен Тобыл кентінің Хасеновтар және Мақсұтхан отбасылары марапатталды. Астана күніне орай өнерпаздарының өнер көрсетуі болды.