Қазақстанда медицина қызметкерлері күні маусымның үшінші жексенбісінде атап өтіледі. Биыл бұл күн 16 маусымға түсті. Мереке құрметіне арналған салтанатты іс-шара бүгін, 13 маусым күні Е.Өмірзақов атындағы аудандық мәдениет үйінде өтті. Залда дәрігерлер, медбикелер, санитарлар және жедел жәрдем көліктерінің жүргізушілері – өз денсаулығына қауіп төндіріп, күнделікті басқа адамдардың өмірін құтқарушылар жиналды. Аудан мәслихатының төрағасы Денис Мартин медицина қызметкерлерін кәсіби мерекелерімен құттықтап, олардың еңбегі, ерлігі, мамандық пен парызға адалдығы үшін алғыс білдірді. Дәстүр бойынша үздік медицина қызметкерлері облыс әкімінің грамоталарымен, облыстың денсаулық сақтау басқармасының грамоталарымен, сондай-ақ аудан әкімінің грамоталарымен және алғыс хаттарымен марапатталды. Д. Мартиннын сөзіне өз кезегінде ОАА бас дәрігерінің міндетін атқарушысы Мақсат Запаров қосылды. Өз сөзінде ол әріптестеріне игі еңбегі, мейірімділігі мен назары үшін, сондай-ақ өз пациенттеріне көмекке келуге дайындығы үшін шынайы ризашылығын білдірді. Аудан тұрғындарына емдеу-профилактикалық көмек көрсету ісіндегі адал еңбегі үшін "Медицина қызметкерлері күні" кәсіби мерекесіне орай бас дәрігердің грамоталарымен аудандық аурухана қызметкерлері марапатталды. Аудандық Мәдениет үйі қызметкерлерінің дайындаған әндерімен және би нөмірлерімен үйлесім тапқан мереке иелеріне шынайы алғыс сөздер мен құттықтаулар айтылды.
