Тағы да Жеңіс! Тағы да "Diamonds"!

Тағы " Diamonds" би ұжымы Бас жүлдемен оралды. Сөзбен жеткізілмейтін кербездік, тамаша иілімділік, ең бастысы, көп сағаттық жаттығулармен қол жеткізілген кәсіпқойлық Бейімбет Майлин ауданының бишілеріне тең дәрежеде үздік атануға тағы да көмектесті.
18 наурыз күні облыс орталығында "Армандастар" балалар шығармашылығының фестиваль- байқауы өтті. Байқауға облыс аудандары мен қалаларынан 20 команда қатысты. "Diamonds" атақты ұжымдарды озып шықты, олардың арасында танымал "Карнавал" тобы да бар.
Ұжым жетекшісі Евгения Орлованың айтуынша, кезекті сайыс - бұл әрқашан қайсарлыққа шыңдайтын сынақ.
— Би турнирі — бұл әрқашан ауқымды, әдемі және әсерлі іс-шара, - деп түсіндіреді Евгения Александровна. - Бишілердің костюмдері өзінің сұлулығымен және ерекшелігімен таң қалдырады. Мұнда облыстың барлық аймақтарынан ұжымдар жиналады және олардың әрқайсысы өз күштеріне сенімділік беретін және би өнерінің жаңа биіктеріне қол жеткізуге бағытталған жеңіске дайын. Біздің балалар жақсы өнер көрсетті, сондықтан жоғары бағаға ие болды.
Іс-шараны Қостанай облысы әкімдігі білім басқармасының "Өңірлік психологиялық қолдау және қосымша білім беру орталығы" коммуналдық мемлекеттік мекемесі ұйымдастырды. Фестиваль – байқаудың мақсаты балалардың көркемөнерпаздар шығармашылығын дамыту және оның өскелең ұрпақтың көркемдік біліміндегі, эстетикалық, адамгершілік тәрбиесіндегі рөлін күшейту болды. Сондай-ақ театр және хореография өнерінің әртүрлі жанрларындағы ең дарынды орындаушыларды анықтау және қолдау болып табылады.