6 қазан күні аудандық мәдениет үйінің қабырғасында Мүгедектер күніне арналған іс-шара өтті. Президенттің Жарлығымен қазанның екінші жексенбісі Қазақстан Республикасының Мүгедектер күні болып бекітілгені белгілі. Бейресми жағдайда өткен кездесуге мүмкіндігі шектеулі адамдар, сондай-ақ әлеуметтік бағыттағы ұйымдардың басшылары қатысты. Жиналғандарға аудан әкімінің орынбасары Ерболат Ыбраев құттықтау сөз сөйледі. Өз сөзінде мүмкіндігі шектеулі жандардың батылдығы мен табандылығын, олардың өмірлік ұстанымын ерекше атап өтті, сондай-ақ мықты денсаулық, рух тұрақтылығы мен жан жылуын шын жүректен тіледі. Жиналғандарды осы күні әлеуметтік қорғау бөлімінің" басшысы Людмила Мальчевская және Б. Майлин аудандық мүгедектер қоғамы ҚБ төрағасы Павел Абрамов құттықтады. Олар ерекше қажеттіліктері бар адамдар күні жанымызда рухы мықты адамдардың өмір сүретінін тағы да еске салатынын атап өтті. Бұл күн қоғамның назарын мүмкіндігі шектеулі адамдарға аударуға бағытталған және үнемі қолдау мен қамқорлықты қажет ететін осы батыл адамдарды мейірімді сөзбен және іспен қолдауға дайын адамдарды біріктіреді. Мәдениет үйінің қызметкерлері концерттік бағдарлама дайындап, мереке барлығына жағымды эмоциялар мен позитивтер сыйлауға тырысты.
