Ата-бабадан қалған мұра!

Халық музыкалық шығармалары мен ұлттық шығармашылықты насихаттау. Дәл осы мақсатты аудандық "Жан серігім домбыра" жас домбырашылар байқауының ұйымдастырушылары көздеді.
Ұлттық домбыра күніне орай "Рухани жаңғыру" бағдарламасы аясында 8-13 жас аралығындағы 11 қатысушы 1 шілдеде аудандық мәдениет үйіне жиналды. Шығармашылық сайысты Елубай Өмірзақов атындағы аудандық мәдениет үйі ұйымдастырды.
"Жан серігім домбыра" жобасының міндеттері музыкадағы дарынды оқушыларды анықтау, олардың шеберлігін арттыру және әлеуетін дамыту, балалар мен жасөспірімдерді эстетикалық тәрбиелеу үшін жағдай жасау, елдегі мәдениетті дамытуды өзектендіру, патриоттық тәрбие беру, ұлттық тарихқа назар аудару болып табылады. Байқау жас ұрпақ арасында қазақ өнерін насихаттауға, жас таланттарды анықтауға және қолдауға бағытталған және Құрманғазы Сағырбайұлының 205 жылдығына арналған.
Тобыл кентінен, Байшуақ, Красносельское және Айет ауылдарынан келген жас домбыра виртуоздарының күш-жігерін қазылар алқасы бағалады.
Қатысушылардың екі тобы 8 жастан 10 жасқа дейін және 11 жастан 13 жасқа дейін өз шеберліктерін көрсетті. Сахнадан танымал халық күйлері, сондай-ақ белгілі авторлар Құрманғазы, Дәулеткерей, Желдібаев, Әбеновтың шығармалары шырқалды. Байқау қорытындысы бойынша кіші топта Сапар Ерғалиев атындағы мектептің оқушысы Берік Айару үшінші орынға ие болды, Айет ауылының жас домбырашысы Дархан Бахытжанов екінші орын және аудандық өнер мектебінің оқушысы /оқытушы Әлия Мәжит/ Сәукен Айару 1 орынды иеленді.
Қатысушылардың үлкен тобында орындар келесідей бөлінді. Аға топта 1 орынды Джуманизяова Айткүл /с. Айет/, екінші орынды оқытушы Айбек Балтабаевтың оқушысы Бахытжанов Темірлан иеленді, үздік үштікті Тобыл кентінен өнер мектебінің оқушысы Махамбетова Әсем /оқытушы Асан Ануарбеков/, сондай-ақ Байшуақ ауылынан Шәккәрім Диас / оқытушы Танатқан Жүрсін/ түйіндеді. Байқау жеңімпаздары мен жүлдегерлері дипломдармен және естелік сыйлықтармен марапатталды. Сондай-ақ, жас музыканттардың тәлімгерлері алғыс хаттармен марапатталды.