19 маусым күні Елубай Өмірзақов атындағы аудандық мәдениет үйінде алғаш рет жаңадан бекітілген мереке – Әкелер күні аталып өтті.
Бұл аталмыш мереке Қазақстан Республикасы Үкіметінің жарғысымен биыл белгіленді. Енді ол маусымның әр үшінші жексенбісінде тойланатын болады. Жаңа мерекеге арналып мәдениет үйінде «Әке – отбасының тірегі» атты мерекелік бағдарлама өтті. Жиналғандар алдында аудан әкімінің орынбасары Марат Әлмағамбетов сөз сөйледі. Ол мерекенің идеясы отбасылық құндылықтарды дәріптеу және жас ұрпақ тәрбиесіндегі әке рөліне назар аудару екенін атап өтті. М.Әлмағамбетов өз сөзінде Әкелер күні қазақстандықтар үшін нағыз отбасылық мерекеге айналатынын баса айтты. Мерекенің негізгі мақсаты - әкенің отбасындағы беделін еске түсіріп, құттықтап, биіктете түсу, оның бала тәрбиесіне деген жауапкершілігін арттыру. Әкеде, аналарымыз секілді, әр адамның өміріндегі ең басты байлығы. Іс- шара аясында белсенді әкелер марапатталып, мерекелік концерт ұсынылды.
19 маусым күні Елубай Өмірзақов атындағы аудандық мәдениет үйінде алғаш рет жаңадан бекітілген мереке – Әкелер күні аталып өтті.
